Búgin Úkimet otyrysynda Qazaqstan halyq úshin baǵasy jaǵynan tiimdi sheteldik marketpleisterdi elimizde tirkelýin, sondai-aq olardan satyp alynatyn taýarlarǵa sertifikattaýdy engizýdi, al satyp alynatyn taýarlarǵa baj salyǵyn engizýdi mindettegeli jatqany belgili boldy. Osy jaǵynan alǵanda, buǵan deiin tartymdy bolyp kelgen bul onlain alańdardaǵy taýarlardyń qymbattap shyǵa kelýi múmkin be? Jýrnalisterdiń osy sipattaǵy saýalyna Saýda jáne integratsiia ministri Arman Shakqaliev jaýap berdi, dep jazady Dalanews.kz.
"Árine, sóz etilip otyrǵan ózgerister áser etetin bolady, bul - obektivti shyndyq. Biraq qymbattaý nemese arzandaý degenge keletin bolsaq, búginderi eger Qazaqstannyń quqyqtyq alańynda jumys istep jatqan marketpleisterdegi baǵalardy salystyratyn bolsaq, olardyń ózara básekege qabiletti ekenin kórýge bolady... Sonymen birge, biz taldaý júrgize otyryp, tutynýshylardyń quqyqtaryn qorǵaý, taýarlar sapasyn baqylaýdy joǵarlatý turǵysynda qabyldaǵan bul ózgerister baǵany eselep qymbattaýyna túrtki bolmaitynyn ańǵardyq. Iaǵni, túzetýler engizilgennen keiin qymbattaý oryn alady dep aitýǵa bolmaidy, óitkeni bul óte básekege qabiletti naryq", – dep sendiredi Arman Shakqaliev.
Degenmen ministr saraptamalyq boljamdarda, eger qymbattaý oryn alsa, onyń kólemi 15%-dy quraýy múmkin dep aitylǵanyn moiyndady.
"Sarapshylardyń negizgi bóligi zańnamanyń ózgerýine bailanysty bólshek saýdada qymbattaý bolmaidy degen tujyrymǵa súienedi, óitkeni naryq is júzinde ábden qalyptasqan, búginderi satyp alynyp júrgen taýarlar qazaqstandyq zańnama boiynsha tirkelip, jumys istep jatqan marketpleisterde de bar. Sol sekildi tirkeýdiń qajeti joq degendi jaqtaýshylar bar, áitpese, olardyń pikirinshe, baǵa qymbattaidy. Biraq taǵy da qaitalap aitamyn, búginderi jumys istep jatqan marketpleisterde (Qazaqstanda - shamamen) qymbattaý bolmaidy. Máselen, Temu men Pindodo Qazaqstanda tirkelmegen, taǵy da sizderdiń suraqtaryńyzben qarastyratyn bolsaq, munda da qymbattaý bolmaidy. Óitkeni olarda taýar bar, baǵa saiasaty qalyptasqan jáne biz usynatyn zańnamalyq talaptar olardyń tarapynan qosymsha shyǵyndardy qajet etpeidi", – dep sendiredi Arman Shakqaliev.
Onyń aitýynsha, ministrlik daiyndaǵan ózgerister óndiristik faktorlarǵa áser etpeidi.
"Sondyqtan zańnamadaǵy bizdiń ózgerister sheteldik marketpleisterdegi taýarlardyń qunyn arttyrady dep aita almaimyn. Sheteldik marketpleisterge qatysty qosymsha talaptardy engizýge qarsy sarapshylar bar. Olarǵa bylai dedik (táýekel bar - shamamen): biz aittyq, esep-qisapty suradyq, naqty tsifrlardy berińizder dedik, biraq áli túk joq qoi. Bizde protsedýralar, qoǵamdyq talqylaýlar bar, eger esep-qisap usynylyp jatsa, árine, biz olarǵa qatysty jaýap beretin bolamyz. Ázirge, baǵanyń ósetinin rastaityn esep pen naqty negizder usynylmaǵan. Iaǵni, ázirge saraptamalyq baǵalaýda naqty sandar men dálelder joq", – dep sózin túiindedi Arman Shakqaliev.
Buǵan deiin Úkimet basshysy Oljas Bektenov sheteldik marketpleisterge qatysty zańnamany qataitý jóninde tiisti vedomstvolarǵa birqatar tapsyrma bergeni málim bolǵan edi. Búgingi Úkimet otyrysynda Saýda jáne integratsiia ministri Arman Shakqaliev sheteldik marketpleisterdi tirkeý boiynsha elektrondyq platformany engizýdi usyndy. Al "Tsifrlyq Qazaqstan" qaýymdastyǵy keńesiniń tóraǵasy Denis Stepantsev Qazaqstanda elektrondyq saýdany damytý jóninde birqatar usynysty alǵa tartty. Sonyń ishinde sheteldik alańdardan satyp alynatyn taýarlardy mindetti sertifikattaýdy engizýdi, sheteldik platformalarda satyp alynatyn taýarlarǵa baj salyǵyn engizý usynyldy. Onyń aitýynsha, bul qadam otandyq biznes pen sheteldik básekelester úshin teń jaǵdai jasaidy.
