بۇدان بۇرىن تۇركىستان وبلىسىنىڭ اكىمى جانسەيىت تۇيمەبايەۆ مۇمكىندىگى شەكتەۋلى بالالارعا ۇيدە قىزمەت كورسەتەتىن بولىمشەلەردەن كۇندىزگى قاتىناۋ بولىمشەلەرىنە كەزەڭ-كەزەڭىمەن وتكىزۋ تۋرالى تاپسىرما بەرگەن.

وسى تاپسىرما اياسىندا 2017 جىلى اۋدان بويىنشا 107 بالانى كۇندىزگى قاتىناۋ بولىمشەسىنە وتكىزۋدى جوسپارلاپ، وسى شارامەن 77 بالانى قامتىلعان بولاتىن. ال بيىلعى مەجە — 160 بالانى كۇندىزگى قاتىناۋ بولىمشەلەرىمەن قامتۋ.

«بۇل دەگەنىمىز اۋدانىمىزداعى ەشبىر مۇگەدەك بالا ەسكەرۋسىز، قولداۋسىز، قامقورلىقسىز قالمايدى دەگەن ءسوز. سەبەبى، اۋدانىمىزداعى الەۋمەتتىك قىزمەت كورسەتۋ ساپاسى جىلدان جىلعا جاندانىپ كەلەدى. وعان دالەل — وسى ورتالىقتىڭ اشىلۋى. ەلباسىمىز قاشاندا بالالارعا قامقورلىق جاساپ، مەملەكەت تاراپىنان كوپتەگەن قولداۋلار ءبىلدىرىپ كەلەدى. سوندىقتان سىزدەر ءۇمىتتى اقتاپ، ساباقتى جاقسى وقيتىندارىڭىزعا، ۇلگىلى دە ءتارتىپتى بالا بوپ وسەتىندەرىڭىزگە سەنىمىم مول. ەندەشە، سىزدەردى مەرەكەمەن قۇتتىقتاي وتىرىپ، ورتالىقتى اشىق دەپ جاريالايمىن!» — دەدى جامانتاي قاناي ۇلى.

اۋدانىمىزداعى الەۋمەتتىك قىزمەت كورسەتۋ جۇيەسىن ودان ءارى جاڭعىرتۋ ماقساتىندا بىلتىرعى جىلى جەتىساي قالاسىنان 25 مۇمكىندىگى شەكتەۋلى بالاعا ارنالعان مۇگەدەك بالالاردى وڭالتۋ ورتالىعى اشىلعان بولاتىن. سول ورتالىقتا ءبىر جىلدا 74 بالا ءوز دەنساۋلىعىن وڭالتۋعا مۇمكىندىك الدى. مىنە، بۇگىن جاڭادان اشىلعان «اسىقاتا مۇگەدەك بالالاردى وڭالتۋ ورتالىعى» 25 مۇمكىندىگى شەكتەۋلى بالاعا ءتيىستى قىزمەتتەر كورسەتەتىن بولادى.

ايتا كەتەيىك، بۇگىندە ماقتارال اۋدانىندا 11946 مۇمكىندىگى شەكتەۋلى ازاماتتار بار. ونىڭ 1832ء-سى 18 جاسقا دەيىنگى بالالار بوپ سانالادى. جىل باسىنان بەرى 421 مۇمكىندىگى شەكتەۋلى بالاعا اۋدان اكىمدىگى تاراپىنان الەۋمەتتىك قولداۋلار كورسەتىلدى. سونداي-اق، بالالارعا 100 الەۋمەتتىك قىزمەتكەر بولىنگەن.

وڭالتۋ ورتالىعىنىڭ اشىلۋ سالتاناتىنان سوڭ اۋدان اكىمى ج.بەيسەنبايەۆ اسىقاتا كەنتىنىڭ مادەنيەت ۇيىندە وتكەن قايىرىمدىلىق ءىس-شاراسىنا قاتىستى. بالالار كۇنىنە وراي ۇيىمداستىرىلعان جيىندا 86 الەۋمەتتىك تۇرمىسى تومەن وتباسىعا اۋدان اكىمىنىڭ ۇيىتقى بولۋىمەن تەگىن ازىق-تۇلىك ۇلەستىرىلدى.