ماقتاارالدا ەنزووتييالىق اۋرۋلارعا قارسى كٷرەس جۇمىستارى قارقىندى جٷرگٸزٸلۋدە, دەپ حابارلايدى Dalanews.kz. تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
اۋدانعا قاراستى كەنتتەر مەن اۋىلدىق وكرۋگتەردە مال ۇستايتىن تۇرعىنداردىڭ قورا-قوپسىلارى مەن جاپسارلاس ايماقتارىنا كەنەگە قارسى بٷركۋ, زالالسىزداندىرۋ شارالارى قولعا الىنعان.
بٷگٸندە اۋداننىڭ ۆەتەرينار ماماندارى تٶرت تٷلٸكتە جيٸ كەزدەسەتٸن قۇتىرۋ, اۋسىل, لەپتومپيروز, پاستەرەللەز, سٸبٸر جاراسى, ەحينوكوككوز, وسپان, ەمكار, برادزوت, ەكتيما, تۋبەركلەز سىندى اۋرۋلارعا قارسى پروفيلاكتيكالىق شارالاردى ۇيىمداستىرىپ, مال ۇرلىعىنىڭ الدىن الۋ ماقساتىندا بٸردەيلەندٸرۋ جۇمىستارى دا قاراستىرىلىپ جاتىر.
ەپيزووتولوگ ماماننىڭ ايتۋىنشا, كەنەگە قارسى ۋلاۋ جۇمىستارىنىڭ تيٸمدٸلٸگٸ مال قورالارىنىڭ مەحانيكالىق جاعدايىنا دا بايلانىستى. سوندىقتان زالالسىزداندىرۋ جۇمىستارىنىڭ الدىندا قورا-جايلاردى قيلار مەن قوقىستاردان تازارلاعان دۇرىس.
-تازالىق ناۋقانى ۇتىمدى ۇيىمداستىرىلسا, كەنە سانى ازايىپ, ودان جاپا شەگەتٸندەر دە ازايادى. قىرىم-قاندى قىزباسى اسا قاۋٸپتٸ اۋرۋدىڭ قاتارىنا جاتاتىندىقتان, ماماندار مەيلٸنشە ساق بولۋعا شاقىرادى. ال, مالى بار شارۋالار تٶرت تٷلٸگٸن دەر كەزٸندە زالالسىزداندىرۋعا جاعداي جاساۋلارى تيٸس, دەيدٸ - «ۆەتەرينارييالىق قىزمەتٸ» شجق مكك ماقتاارال اۋداندىق فيليالىنىڭ مامانى نۇرقانات قۋانوۆ.
ايتا كەتەيٸك, ٶتكەن جىلدىڭ تيٸستٸ مەرزٸمٸندە كەنە شاعۋدىڭ 100 فاكتٸسٸ تٸركەلسە, اعىمداعى جىلى 115-كە جەتٸپ وتىر. ونىڭ سەبەبٸ, بيىلعى كٶكتەمنٸڭ جاۋىن-شاشىندى, ال, جازدىڭ اپتاپ ىستىق بولۋىمەن بايلانىستى دەيدٸ ماماندار. جالپى 20 فاكتٸ ٸشكٸ قورا-جايلاردا ورىن السا, 85 فاكتٸ ەگٸستٸكتەر مەن مال جايىلىمدىق جەرلەردە ورىن العان.
