Maqtaaralda enzootiialyq aýrýlarǵa qarsy kúres jumystary qarqyndy júrgizilýde, dep habarlaidy Dalanews.kz. Túrkistan oblysy ákiminiń baspasóz qyzmetine silteme jasap.
Aýdanǵa qarasty kentter men aýyldyq okrýgterde mal ustaityn turǵyndardyń qora-qopsylary men japsarlas aimaqtaryna kenege qarsy búrký, zalalsyzdandyrý sharalary qolǵa alynǵan.
Búginde aýdannyń veterinar mamandary tórt túlikte jii kezdesetin qutyrý, aýsyl, leptompiroz, pasterellez, sibir jarasy, ehinokokkoz, ospan, emkar, bradzot, ektima, týberklez syndy aýrýlarǵa qarsy profilaktikalyq sharalardy uiymdastyryp, mal urlyǵynyń aldyn alý maqsatynda birdeilendirý jumystary da qarastyrylyp jatyr.
Epizootolog mamannyń aitýynsha, kenege qarsy ýlaý jumystarynyń tiimdiligi mal qoralarynyń mehanikalyq jaǵdaiyna da bailanysty. Sondyqtan zalalsyzdandyrý jumystarynyń aldynda qora-jailardy qilar men qoqystardan tazarlaǵan durys.
-Tazalyq naýqany utymdy uiymdastyrylsa, kene sany azaiyp, odan japa shegetinder de azaiady. Qyrym-qandy qyzbasy asa qaýipti aýrýdyń qataryna jatatyndyqtan, mamandar meilinshe saq bolýǵa shaqyrady. Al, maly bar sharýalar tórt túligin der kezinde zalalsyzdandyrýǵa jaǵdai jasaýlary tiis, deidi - «Veterinariialyq qyzmeti» ShJQ MKK Maqtaaral aýdandyq filialynyń mamany Nurqanat Qýanov.
Aita keteiik, ótken jyldyń tiisti merziminde kene shaǵýdyń 100 faktisi tirkelse, aǵymdaǵy jyly 115-ke jetip otyr. Onyń sebebi, biylǵy kóktemniń jaýyn-shashyndy, al, jazdyń aptap ystyq bolýymen bailanysty deidi mamandar. Jalpy 20 fakti ishki qora-jailarda oryn alsa, 85 fakti egistikter men mal jaiylymdyq jerlerde oryn alǵan.
