بۇگىندە مەملەكەت تاراپىنان ينۆەستورلارعا قولايلى جاعداي جاسالىنىپ وتىرعانى بەلگىلى. ينۆەستورلار تۇركىستان وبلىسىنىڭ ەكونوميكالىق الەۋەتى زور، تۇراقتى دامىپ كەلە جاتقان ءوڭىر بولعاننان كەيىن ايماقتى ادەيى تاڭداپ العان.
ماقاتارال اۋدانىنداعى يندۋستريالدى ايماق – ورتا ازيا، تاياۋ شىعىس پەن ەۋروپا ەلدەرىن بايلانىستىراتىن جولداردىڭ قيىلىسىندا ورنالاسقان. سوندىقتان مۇندا وندىرگەن ءونىمدى ساۋدالاۋ اناۋ ايتقانداي قيىندىق تۋعىزبايدى. وبلىستا ينۆەستيسيا تارتۋ جانە ينۆەستورلارعا ءبىر تەرەزە قاعيداسى بويىنشا قىزمەت كورسەتەتىن ايماقتىق دامۋ ينستيتۋتتارى جۇمىس جاسايدى. ينستيتۋتتار كاسىپكەرلەرگە كەڭەس بەرەدى جانە قارجىلىق پەن ينفراقۇرىلىمدىق كومەك كورسەتۋ ءىسىن دە جولعا قويعانىن ايتا كەتۋىمىز كەرەك.
ينۆەستور بۇعان دەيىن ماقتاارال اۋداندا ءموبيلدى اسفالت زاۋىتىن ىسكە قوسىپ، قىزىلقۇم اۋىلدىق وكرۋگىندە ورنالاسقان ينسپەكتورلىق جولدارعا اسفالت بەرىپ كەلگەن. شەتەلدىك ينۆەستوردىڭ ماقتاارال اۋدانىندا جۇمىس ىستەۋ تاجىرىيبەسى بار ەكەنىن ەسكەرسەك، الداعى ۋاقىتتا بەتون زاۋىتىنىڭ ءىسى العا باسىپ كەتەتىنە سەنىممەن قاراۋعا بولادى.
