جۋرناليست, مەجٸلٸستٸڭ VIII شاقىرىلىمىنىڭ بۇرىنعى دەپۋتاتى ماقسات تولىقباي «مۋزارت» توبىنىڭ قۇرمەتٸنە ەسكەرتكٸش پەن اللەيا سالۋ تۋرالى ۇسىنىسىن ايتتى, دەپ حابارلايدى dalanews.kz.
ونىڭ ايتۋىنشا, 2000 جىلدارى كٶپتەگەن قازاق جاستارى رەسەي مەن باتىس مەدەنيەتٸنە ەلٸكتەي باستاعان كەزەڭدە «مۋزارت» توبى ۇلتتىق ٶنەردٸ دەرٸپتەپ, جاستاردىڭ قازاقى قۇندىلىقتارعا بەت بۇرۋىنا ىقپال ەتكەن.
«سول كەزدە ۇلتتىق رۋحتى قايتا وياتقان “مۋزارت” توبى شىقتى. ولار كٶپتەگەن جاستىڭ بەتٸن بەرٸ بۇرىپ, ۇلتتىق قۇندىلىقتارعا قايتا ورالۋىنا سەبەپ بولدى. كەيٸن ولاردىڭ جولىن جالعاعان بٸرنەشە توپ پايدا بولدى. شىن مەنٸندە, “مۋزارت” قازاق ەستراداسىنا رەۆوليۋتسييا جاساعان ۇجىم», – دەدٸ ماقسات تولىقباي.
ول «مۋزارتتىڭ» قازاق مەدەنيەتٸندەگٸ ەڭبەگٸ تاريحي ماڭىزعا يە بولعانىمەن, كٶپشٸلٸك بۇل ەڭبەكتٸ جيٸ ەسكەرە بەرمەيتٸنٸن ايتتى.
سوندىقتان كەسٸپكەرلەرگە توپتىڭ قۇرمەتٸنە ارنايى اللەيا اشۋدى ۇسىنىپ جٷرگەنٸن جەتكٸزدٸ. سونداي-اق سەكەن مايعازيەۆتٸڭ ٸنٸسٸ ماقات ەسٸمدٸ ازاماتپەن وسى مەسەلەنٸ تالقىلاعانىن ايتىپ, ونىڭ بولاشاقتا سالىناتىن تۇرعىن ٷي كەشەنٸنە «مۋزارت» اتاۋىن بەرۋ نيەتٸ بار ەكەنٸن جەتكٸزدٸ.
ماقسات تولىقبايدىڭ پٸكٸرٸنشە, كٶكتٶبەدەگٸ ەلەمگە ەيگٸلٸ جۇلدىزداردىڭ «داڭق اللەياسى» سەكٸلدٸ, قازاق جاستارىنىڭ دٷنيەتانىمىنا ەسەر ەتكەن «مۋزارت» توبىنىڭ دا مٷسٸنٸ مەن ەستەلٸك ورنى بولۋى تيٸس.
ول قازٸرگٸ ۋاقىتتا وسى باستامانى جٷزەگە اسىرۋ باعىتىندا جۇمىستار جٷرگٸزٸلٸپ جاتقانىن دا اتاپ ٶتتٸ.
جيىنعا قاتىسۋشىلار بۇرىنعى دەپۋتاتتىڭ ۇسىنىسىن قولداپ, وڭ باعاسىن بەرگەن.
