ەنشٸ ەرٸ پروديۋسەر قىدىرەلٸ بولمانوۆ كەزٸندە ٶزٸ ٶنەر كٶرسەتكەن "ابك" توبىنىڭ العاشقى كونتسەرتٸن ۇيىمداستىرۋ بارىسىندا زامانبەك نۇرقادٸلوۆ پەن ماقپال جٷنٸسوۆانىڭ قانداي كٶمەگٸ تيگەنٸن ەسٸنە الدى, دەپ حابارلايدى Dalanews.kz.
"ماقپال حانىمدى العاش رەت حالىقارالىق “ازييا داۋىسى” كونكۋرسىندا كٶردٸم. تانىسا كەلە, ٶزٸنە عانا تەن, اشىق-جارقىن كٶڭٸلٸڭدٸ كٶتەرەتٸن عاجاپ كٷلكٸسٸ بارىن بايقادىم. ال ەنشٸ رەتٸندە – ٶز الدىنا بٸر مەكتەپ! ادامگەرشٸلٸگٸ دە سونداي بيٸك", – دەپ جازدى ول.
قىدىرەلٸ بولمانوۆتىڭ ايتۋىنشا, "ابك" توبىنىڭ العاشقى كونتسەرتٸن ۇيىمداستىرۋ كەزٸندە كونتسەرت ٶتكٸزۋگە زال تابۋ قيىندىق تۋدىرعان. دەل وسى سەتتە جولىققان ماقپال جٷنٸسوۆا وعان ەكٸمنٸڭ قابىلداۋىنا كٸرۋگە كٶمەكتەسكەن.
"ول كەزدە زامانبەك اعامىز (جانى جەنناتتا بولسىن!) الماتى قالاسىنىڭ ەكٸمٸ ەدٸ. دەمەۋشٸ كەرەك كەزەڭ. مەن-جايدى ايتىپ, زامانبەك اعاعا كٸرۋگە كٶمەكتەسۋٸن ٶتٸندٸم.
10 مينۋت شاماسىندا ماقپال حانىم تەلەفون شالىپ: "بٷگٸن, 16:20-دا بار. قابىلدايتىن بولدى" دەدٸ.
العىسىمدى جاۋدىرىپ جاتىرمىن. قۋانىشىمدا شەك جوق! بەلگٸلەنگەن ۋاقىتتا ەكٸمنٸڭ كابينەتٸنە كٸرسەم, ول تەلەفونمەن سٶيلەسٸپ وتىر ەكەن. "قابىلدايمىن, مٸنە ٶزٸ دە كەلدٸ" دەپ جىميىپ, بٸردەن قولداۋ كٶرسەتەتٸنٸن ايتتى. وسىلايشا, كونتسەرت ٶتتٸ, زال لىق تولدى", – دەپ ەسكە الدى بولمانوۆ.
ەنشٸ سونداي-اق ماقپال جٷنٸسوۆانىڭ جاناشىرلىعىن ەرەكشە اتاپ ٶتتٸ.
"مەنٸ ەكٸمگە كٸرگٸزٸپ قانا قويماي, كەيٸن دە حابارلاسىپ: "كەلدٸ مە? قابىلدادىڭ با?" – دەپ قايتا سۇراعان ەكەن. وسى اق كٶڭٸلٸن ەشقاشان ۇمىتپايمىن", – دەيدٸ ول.
