ماڭعىستاۋ وبلىسى ەكٸمٸنٸڭ بٸرٸنشٸ ورىنباسارى جۇماباي قاراعاەۆ ماڭىزى زور اۋقىمدى جوبالار جٶنٸندە تىڭ اقپاراتپەن بٶلٸستٸ. اۋقىمدى جوبالاردىڭ بٸرەگەيٸ – «قالامقاس-تەڭٸز, حازار, ەۋەزوۆ» كەن ورىندارى. جوبانى تولىق ٸسكە اسىرۋ 6 ملرد تەڭگە كٶلەمٸندە ينۆەستيتسييا تارتۋعا مٷمكٸندٸك بەرەدٸ.
– 2023 جىلدىڭ اقپان ايىندا قر ەنەرگەتيكا مينيسترلٸگٸ مەن «قازمۇنايگاز» ۇك اق اراسىندا جٷرگٸزٸلگەن كەلٸسسٶزدەردٸڭ نەتيجەسٸندە جالپى قورى 81 ملن توننا مۇناي قورىن قۇرايتىن كەن ورىندارىن يگەرۋگە جاقسارتىلعان مودەلدٸك كەلٸسٸمشارتقا قول قويىلدى.
جوباعا 6 ملرد اقش دوللارى كٶلەمٸندە تٸكەلەي ينۆەستيتسييا تارتىلادى. جوبانى ۇيىمداستىرۋدىڭ باستاپقى كەزەڭٸندە 2 مىڭ جۇمىس ورنى قۇرىلادى. 2028 جىلى ٶندٸرٸس ٸسٸ باستالىپ, جىلىنا 4 ملن توننا مۇناي ٶندٸرۋ كٶزدەلگەن, – دەدٸ جۇماباي قاراعاەۆ.
جۇماباي قاراعاەۆ «Kalamkas-Khazar Operating» جشس 2028 جىلدىڭ سوڭىندا «قالامقاس-حازار» كەن ورنىندا العاشقى ٶندٸرٸس جايلى جارييا ەتەتٸندٸگٸن, ال قمگ-نىڭ شەتەلدٸك ستراتەگييالىق سەرٸكتەسٸ رەسەيلٸك «لۋكويل» مۇناي كومپانيياسى ەكەنٸن ايتتى.
سونداي-اق, جوبانى ٸسكە اسىرۋ ٷدەرٸسٸنە قازاقستاندىق ۆەرفتەر مەن مەتالل كونسترۋكتسييالارىن (اقتاۋ, باۋتينو, قۇرىق) ٶندٸرۋ الاڭدارىن تارتۋ كٶزدەلگەندٸگٸ اتاپ ٶتٸلدٸ.
ينۆەستيتسييا تارتۋعا باعىتتالعان تاعى بٸر جوبا پوليپروپيلەن ٶندٸرٸسٸنە بايلانىستى. وبلىس ەكٸمدٸگٸ ەلەۋەتتٸ ينۆەستورلارمەن پوليپروپيلەن ٶندٸرەتٸن جاڭا زاۋىت قۇرۋ مەسەلەسٸن پىسىقتاۋ بويىنشا كەلٸسسٶزدەر جٷرگٸزٸپ جاتىر.
– جوبا «KMG PetroChem» كومپانيياسىنىڭ باستاماسىمەن «جاڭا پوليپروپيلەن قوندىرعىسىنىڭ قۇرىلىسى» جوباسىن ٸسكە اسىرۋ مەسەلەسٸن زەردەلەۋ بويىنشا جۇمىستار باستالدى. كەلٸسسٶزدەر وڭ نەتيجە بەرسە قۇنى 1 ميلليارد اقش دوللارىن قۇرايتىن زاۋىت 2026 جىلى ٸسكە قوسىلادى دەپ كٷتٸلۋدە. قۇرىلىسقا 3 مىڭعا دەيٸن جۇمىسشى تارتىلادى, ال نىساندى پايدالانۋعا بەرگەننەن كەيٸن 800 جۇمىس ورنى قۇرىلادى دەپ جوسپارلانۋدا, – دەدٸ جۇماباي قاراعاەۆ.
قازٸرگٸ ۋاقىتتا ايماقتا بەلسەندٸ زەرتتەلٸپ جاتقان تاعى بٸر ٸرٸ جوبا بار. بۇل – 980 ميلليون اقش دوللارىن قۇرايتىن تەمٸر زاۋىتىنىڭ قۇرىلىسى.
وسىلايشا, اتالعان ٷش جوبا ارقىلى ٶڭٸر ەكونوميكاسىنا 7,98 ملرد كٶلەمٸندە اقش دوللارى كٶلەمٸندە ينۆەستيتسييا قارجىسى قۇيىلادى.
