Mańǵystaý. Úsh jobanyń qurylysy kezinde 9 000 jumys orny qurylady: 7 sáýir 2023

Mańǵystaýda óńir ekonomikasyn ilgeriletý aiasynda san túrli salaǵa tartylǵan investitsiia esebinen ondaǵan joba iske asyrylyp jatyr. Sońǵy jeti jylda oblystyń keshendi damýyna quiylǵan demeý qarjy kólemi 88%-ǵa ósken. Óńirde tórt myńnan astam jumys orny qurylyp, jalpy somasy 2 trln teńgeden astam 41 investitsiialyq jobanyń pýly qalyptasqan, – dep habarlaidy Qoǵamdyq kommýnikatsiia ortalyǵy.

Mańǵystaý oblysy ákiminiń birinshi orynbasary Jumabai Qaraǵaev mańyzy zor aýqymdy jobalar jóninde tyń aqparatpen bólisti. Aýqymdy jobalardyń biregeii – «Qalamqas-teńiz, Hazar, Áýezov» ken oryndary. Jobany tolyq iske asyrý 6 mlrd teńge kóleminde investitsiia tartýǵa múmkindik beredi.

– 2023 jyldyń aqpan aiynda QR Energetika ministrligi men «QazMunaiGaz» UK AQ arasynda júrgizilgen kelissózderdiń nátijesinde jalpy qory 81 mln tonna munai qoryn quraityn ken oryndaryn igerýge jaqsartylǵan modeldik kelisimshartqa qol qoiyldy.

Jobaǵa 6 mlrd AQSh dollary kóleminde tikelei investitsiia tartylady. Jobany uiymdastyrýdyń bastapqy kezeńinde 2 myń jumys orny qurylady. 2028 jyly óndiris isi bastalyp, jylyna 4 mln tonna munai óndirý kózdelgen, – dedi Jumabai Qaraǵaev.

Mańǵystaý oblysy ákiminiń birinshi orynbasarynyń aitýynsha, jobalaý jumystary byltyr bastaý alǵan. Al, keler jyldyń sońynda bolat qurylymdardan teńizdegi keshen platformalarynyń qurylysyn bastaý josparlanǵan. Keshen jaǵalaýdan 64 shaqyrym qashyqtyqta «Qalamqas-teńiz» qurylymy aýmaǵynda ornalasady.

Jumabai Qaraǵaev «Kalamkas-Khazar Operating» JShS 2028 jyldyń sońynda «Qalamqas-Hazar» ken ornynda alǵashqy óndiris jaily jariia etetindigin, al QMG-nyń sheteldik strategiialyq seriktesi reseilik «Lýkoil» munai kompaniiasy ekenin aitty.

Sondai-aq, jobany iske asyrý úderisine qazaqstandyq verfter men metall konstrýktsiialaryn (Aqtaý, Baýtino, Quryq) óndirý alańdaryn tartý kózdelgendigi atap ótildi.

Investitsiia tartýǵa baǵyttalǵan taǵy bir joba polipropilen óndirisine bailanysty. Oblys ákimdigi áleýetti investorlarmen polipropilen óndiretin jańa zaýyt qurý máselesin pysyqtaý boiynsha kelissózder júrgizip jatyr.

– Joba «KMG PetroChem» kompaniiasynyń bastamasymen «Jańa polipropilen qondyrǵysynyń qurylysy» jobasyn iske asyrý máselesin zerdeleý boiynsha jumystar bastaldy. Kelissózder oń nátije berse quny 1 milliard AQSh dollaryn quraityn zaýyt 2026 jyly iske qosylady dep kútilýde. Qurylysqa 3 myńǵa deiin jumysshy tartylady, al nysandy paidalanýǵa bergennen keiin 800 jumys orny qurylady dep josparlanýda, – dedi Jumabai Qaraǵaev.

Qazirgi ýaqytta aimaqta belsendi zerttelip jatqan taǵy bir iri joba bar. Bul – 980 million AQSh dollaryn quraityn temir zaýytynyń qurylysy.

– «YDA» túrik kompaniiasy bastamashy bolyp, atalǵan jobany iske asyrý máselelerin zerttei bastady. Zaýyt «Aqtaý teńiz porty» AEA aýmaǵynda ornalasady dep kútiledi. Kelissózder nátijesinde jobanyń 1 kezeńi 2026 jyly iske qosylady. Joba aiasynda 2500 jańa jumys orny qurylady, al onyń qurylysy kezinde 6 myń adam jumyspen qamtylady, – deidi Jumabai Qaraǵaev.

Osylaisha, atalǵan úsh joba arqyly óńir ekonomikasyna 7,98 mlrd kóleminde AQSh dollary kóleminde investitsiia qarjysy quiylady.

Mańǵystaý. Úsh jobanyń qurylysy kezinde 9 000 jumys orny qurylady

Oqi otyryńyz

Almatyda Jandosov kóshesinde qozǵalys ýaqytsha shekteledi

Jetisý oblysynda Abai kúnine orai 119 mádeni is-shara ótti

Etnomádeni birlestikter ókilderi Almatyda Abai murasyna arnalǵan kezdesýge qatysty