وڭىردە وبلىس باسشىلىعىنىڭ توراعالىعىمەن جەدەل شتاب اشىلدى. جەدەل شتابتىڭ قۇرامىنا ۋاكىلەتتى مەملەكەتتىك ورگاندار مەن كوممۋنالدىق قىزمەت وكىلدەرى كىردى. 13-14 تامىزعا قاراعان ءتۇنى جەدەل شتاب جۇمىسى بارىسىندا ءبىرىنشى ساناتتاعى وبەكتىلەردى (الەۋمەتتىك جانە دەنساۋلىق ساقتاۋ وبەكتىلەرى) ەلەكتر ەنەرگياسىمەن قامتاماسىز ەتۋ ماسەلەسى قارالدى.
ءوڭىردىڭ ەلدى مەكەندەرىن ەلەكتر ەنەرگياسىمەن پروپورسيونالدى قامتاماسىز ەتۋ ءۇشىن ۋاقىتشا اجىراتۋدى "ءتيىمدى" تاسىلمەن قولدانۋ تۋرالى شەشىم قابىلداندى. بۇل، ايماقتارعا سايكەس، تۇتىنىلاتىن ەنەرگيا كولەمىن شەكتەۋ ماقساتىندا تۇتىنۋشىلاردى 3-تەن 5 ساعاتقا دەيىنگى ەلەكتر جەلىسىنەن سيكلدىك اجىراتۋ جۇرگىزىلەتىنىن بىلدىرەدى.
بۇل شارا «ماەك» ەنەرگوبلوكتارىنداعى اپات جويىلعانعا دەيىن جالعاسادى.
ءىرى ونەركاسىپتىك نىساندارعا بەرىلەتىن ەلەكتر ەنەرگياسىنا دا شەكتەۋ قويىلماق. جەدەل شتاب ەلەكتر ەنەرگيانى تەز ارادا قالپىنا كەلتىرۋ ماقساتىندا ءبىرقاتار شارالاردى قابىلداۋدا.
ماڭعىستاۋ وبلىسى اكىمىنىڭ ءبىرىنشى ورىنباسارى جۇماباي قاراعايەۆ جاۋاپتى تۇلعالارعا بارلىق كوممۋنالدىق قىزمەتتەردىڭ ۇيلەسىمدى جۇمىسىن ۇيىمداستىرۋدى تاپسىردى. سونداي-اق «ماەك»ەنەرگوبلوكتارىنداعى اپات جويىلعانعا دەيىن ونەركاسىپ تۇتىنۋشىلارى مەن تۇرعىندارعا ەلەكتر ەنەرگياسىن ۇنەمدى پايدالانۋ تۋرالى ءتۇسىندىرۋ جۇمىستارىن جۇرگىزۋدى ايتتى.
