Mańǵystaý oblysynyń birqatar eldi mekenderde elektr energiiasyn "tiimdi" ajyratý ádisi qoldanylatyn bolady
Óńirde oblys basshylyǵynyń tóraǵalyǵymen jedel shtab ashyldy. Jedel shtabtyń quramyna ýákiletti memlekettik organdar men kommýnaldyq qyzmet ókilderi kirdi. 13-14 tamyzǵa qaraǵan túni jedel shtab jumysy barysynda birinshi sanattaǵy obektilerdi (Áleýmettik jáne densaýlyq saqtaý obektileri) elektr energiiasymen qamtamasyz etý máselesi qaraldy.
Óńirdiń eldi mekenderin elektr energiiasymen proportsionaldy qamtamasyz etý úshin ýaqytsha ajyratýdy "tiimdi" tásilmen qoldaný týraly sheshim qabyldandy. Bul, aimaqtarǵa sáikes, tutynylatyn energiia kólemin shekteý maqsatynda tutynýshylardy 3-ten 5 saǵatqa deiingi elektr jelisinen tsikldik ajyratý júrgiziletinin bildiredi.
Bul shara «MAEK» energobloktaryndaǵy apat joiylǵanǵa deiin jalǵasady.
Iri ónerkásiptik nysandarǵa beriletin elektr energiiasyna da shekteý qoiylmaq. Jedel shtab elektr energiiany tez arada qalpyna keltirý maqsatynda birqatar sharalardy qabyldaýda.
Mańǵystaý oblysy ákiminiń birinshi orynbasary Jumabai Qaraǵaev jaýapty tulǵalarǵa barlyq kommýnaldyq qyzmetterdiń úilesimdi jumysyn uiymdastyrýdy tapsyrdy. Sondai-aq «MAEK»energobloktaryndaǵy apat joiylǵanǵa deiin ónerkásip tutynýshylary men turǵyndarǵa elektr energiiasyn únemdi paidalaný týraly túsindirý jumystaryn júrgizýdi aitty.
