19 ماۋسىم كۇنى قاراقيا اۋدانىنداعى بولاشاق شەكارالىق تەمىرجول ستانسياسى ماڭىنان ۇشقىشسىز باسقارىلاتىن اپپارات تابىلدى. اقپاراتتى العاشقىلاردىڭ ءبىرى بولىپ كۋاگەرلەر جەتكىزگەن، دەپ حابارلايدى Dalanews.kz.
تابىلعان نىسان تۋرالى ءتيىستى مەكەمەلەرگە دەرەۋ حابار بەرىلگەن. وقيعا ورنىنا جەدەل تۇردە قۇقىق قورعاۋ ورگاندارى مەن توتەنشە جاعدايلار قىزمەتىنىڭ وكىلدەرى بارىپ، تەكسەرۋ جۇرگىزۋدە.
ماڭعىستاۋ وبلىستىق پوليسيا دەپارتامەنتىنىڭ مالىمەتىنشە، درون ەلدى مەكەندەردەن الىس، ءشولدى اۋماقتا انىقتالعان. قۇقىق قورعاۋ ورگاندارى قازىرگى تاڭدا ناقتى ءمان-جايلاردى انىقتاپ جاتىر.
"انىقتالعان قۇرىلعىدان ەشبىر زيان كەلمەگەن. وقيعانىڭ ءمان-جايىن انىقتاۋ جۇمىستارى جالعاسۋدا"، - دەپ مالىمدەدى پوليسيا.
اشىق دەرەككوزدەرگە سۇيەنسەك، بۇل قۇرىلعى – ۇشقىشسىز باسقارىلاتىن اپپارات (درون) بولۋى مۇمكىن.
