19 maýsym kúni Qaraqiia aýdanyndaǵy Bolashaq shekaralyq temirjol stantsiiasy mańynan ushqyshsyz basqarylatyn apparat tabyldy. Aqparatty alǵashqylardyń biri bolyp kýágerler jetkizgen, dep habarlaidy Dalanews.kz.
Tabylǵan nysan týraly tiisti mekemelerge dereý habar berilgen. Oqiǵa ornyna jedel túrde quqyq qorǵaý organdary men tótenshe jaǵdailar qyzmetiniń ókilderi baryp, tekserý júrgizýde.
Mańǵystaý oblystyq politsiia departamentiniń málimetinshe, dron eldi mekenderden alys, shóldi aýmaqta anyqtalǵan. Quqyq qorǵaý organdary qazirgi tańda naqty mán-jailardy anyqtap jatyr.
"Anyqtalǵan qurylǵydan eshbir ziian kelmegen. Oqiǵanyń mán-jaiyn anyqtaý jumystary jalǵasýda", - dep málimdedi politsiia.
Ashyq derekkózderge súiensek, bul qurylǵy – ushqyshsyz basqarylatyn apparat (dron) bolýy múmkin.
