ماڭعىستاۋ وبلىسىنىڭ ەكٸمٸ نۇردەۋلەت قيلىبايدىڭ تٶراعالىعىمەن ٶتكەن اپپاراتتىق جيىندا «كەندٸرلٸ» كۋرورتتىق دەمالىس ايماعىن دامىتۋ مەسەلەسٸ قارالدى, - دەپ حابارلايدى Dalanews.kz.
جيىندا جاڭاٶزەن قالاسىنىڭ ەكٸمٸ جانسەيٸت قاينارباەۆ قازٸرگٸ تاڭدا اتقارىلىپ جاتقان جۇمىستار تۋرالى بايانداپ, الداعى جوسپارلارىن بٶلٸستٸ.
ونىڭ ايتۋىنشا, كەندٸرلٸ اۋىلىنىڭ ەگجەي-تەگجەيلٸ جوسپارلاۋ جوباسىمەن بٸرٸكتٸرٸلگەن باس جوسپاردى تٷزەتۋ جۇمىستارى 2025 جىلدىڭ ٸٸ توقسانىندا اياقتالادى.
كەندٸرلٸنٸڭ تۋريستٸك جەنە ەكونوميكالىق ەلەۋەتٸن ارتتىرۋ ٷشٸن كٶلٸك قاتىناسىن جاقسارتۋ ماقساتىندا «جەتٸباي – جاڭاٶزەن – كەندٸرلٸ – تٷركٸمەنستان شەكاراسى» باعىتى بويىنشا اۆتوجولدى قايتا جاڭارتۋ جۇمىستارى باستالادى. جالپى ۇزىندىعى 156 شاقىرىمدى قۇرايتىن بۇل جول IV تەحنيكالىق ساناتقا جاتادى. جٶندەۋ جۇمىستارى اياسىندا جول تٶسەمٸن نىعايتۋ جەنە جاڭارتۋ جوسپارلانعان.
ايماققا قولجەتٸمدٸلٸكتٸ ارتتىرۋ ٷشٸن كەندٸرلٸدە جاڭا ەۋەجاي قۇرىلىسى باستالدى. پرەزيدەنتتٸڭ قازاقستان حالقىنا جولداۋىندا بەرگەن تاپسىرماسىنا سەيكەس, ەۋەجاي ٷشٸن 599 گەكتار جەر تەلٸمٸ بٶلٸندٸ. قازٸرگٸ ۋاقىتتا جوبا ەزٸرلەنۋدە. بولاشاق ەۋەجايدىڭ ٶتكٸزۋ قابٸلەتٸ ساعاتىنا 200 جولاۋشىنى قۇراپ, جىلىنا 30 مىڭنان 60 مىڭ جولاۋشىعا قىزمەت كٶرسەتۋگە مٷمكٸندٸك بەرەدٸ. جوبانىڭ سەتتٸ ٸسكە اسۋى ٶڭٸرگە تۋريستەر لەگٸن ارتتىرۋعا ىقپال ەتەدٸ.
كەندٸرلٸدەگٸ تاعى بٸر ماڭىزدى جوبا – تەۋلٸگٸنە 50 000 تەكشەمەتر سۋ تۇشىتاتىن زاۋىت قۇرىلىسى. كەشەندٸ ٸسكە قوسۋ 2025 جىلدىڭ مامىر ايىنا جوسپارلانعان.
سونداي-اق, كەندٸرلٸدەن ايماقتىڭ تاريحي-مەدەني ورىندارىنا باراتىن جاڭا تۋريستٸك مارشرۋت ەزٸرلەنۋدە.
كۋرورتتىق ايماقتى دامىتۋ ايماق ەكونوميكاسىنا دا وڭ ەسەر ەتپەك. جوبانى جٷزەگە اسىرۋ نەتيجەسٸندە جىلىنا 600 مىڭنان استام وتاندىق جەنە شەتەلدٸك تۋريست تارتۋ جوسپارلانعان. سونىمەن قاتار, بۇل باستاما 15 مىڭنان استام تۇراقتى جۇمىس ورنىن قۇرۋعا مٷمكٸندٸك بەرەدٸ.
وبلىس ەكٸمٸ نۇردەۋلەت قيلىباي كەندٸرلٸ كۋرورتتىق ايماعىن دامىتۋدا ينفراقۇرىلىمدى جەتٸلدٸرۋدٸڭ ماڭىزدىلىعىن اتاپ ٶتٸپ, وسى باعىتتاعى جۇمىستاردى كٷن تەرتٸبٸنەن تٷسٸرمەۋدٸ تاپسىردى.
"مەملەكەت باسشىسى قاسىم-جومارت توقاەۆ كەندٸرلٸ دەمالىس ايماعىن دامىتۋ جۇمىستارىن جەدەلدەتۋدٸ تاپسىرعان بولاتىن. بٷگٸنگٸ تاڭدا باستى مەسەلە – ينفراقۇرىلىم جٷرگٸزۋ. ودان كەيٸنگٸ قادام – تۋريستەردٸ تارتۋ. وسى ماقساتتا بارلىق شارالاردى ۋاقتىلى ەرٸ ساپالى ورىنداڭىزدار", – دەدٸ نۇردەۋلەت قيلىباي.
