ەڭ اۋەلى، ۇكىمەت باسشىسى التاي قالاسىنىڭ اۋدانارالىق اۋرۋحاناسىنىڭ ينسۋلتتىك جانە كارديو ورتالىقتارىنىڭ جۇمىسىن باقىلادى. سوڭعى بىرنەشە جىل ىشىندە اتالمىش اۋرۋحانا زاماناۋي مەديسينالىق ورتالىققا اينالعانى بەلگىلى. ەمدەۋ نىسانداعى مەديسينا قىزمەتكەرلەرى ينسۋلت، جۇرەك جانە باسقا دا قاتار جۇرەتىن اۋرۋلارمەن ءتيىمدى كۇرەسىپ كەلەدى. اۋرۋحانانى مودەرنيزاسيالاۋ شىعىس قازاقستان وبلىسىنىڭ اكىمى دانيال احمەتوۆتىڭ باستاماسىمەن جۇزەگە اسقانىن ايتا كەتۋىمىز كەرەك. بۇل ءۇشىن وبلىستىق بيۋدجەتتەن قاجەتتى قاراجاتتار ۋاقىتىندا ءبولىنىپ كەلەدى.
اۋرۋحانا عيماراتتارىنىڭ ءبىر قاباتىندا ينسۋلت ورتالىعى جۇمىس ىستەيدى. ونى جابدىقتاۋعا 600 ميلليونعا جۋىق تەڭگە بولىنگەن. جالپى، ورتالىقتى قۇرۋعا شامامەن 800 ميلليون تەڭگە جۇمسالعانى بەلگىلى.
بۇگىندە التاي قالايسى ايماعىنان نەمەسە وعان جاقىن ورنالاسقان ەلدى مەكەندەردەن ينسۋلتپەن اۋىرعان كەز كەلگەن ناۋقاس بىلىكتى مامانداردان ەم الىپ، ءومىرىن ساقتاپ قالۋ مۇمكىندىگى تۋىپ وتىر. بۇرىن ينسۋلت العان پاسيەنتتەردى وبلىس ورتالىعىنا اپارۋعا تۋرا كەلەتىن. ەندى مۇنداعى جۇرت وسكەمەنگە شابىلمايدى.
ورتالىق جىلىنا 400-دەن استام پاسيەنتكە قىزمەت كورسەتەتىن مۇمكىندىككە يە. وسىلايشا ورتالىق شىعىستاعى ءۇش بىردەي اۋداننىڭ (التاي، كۇرشىم جانە كاتونقاراعاي) حالقىنا قىزمەت كورسەتىپ، ادام ءومىرىن ساقتاپ وتىرعان جاي بار.
بۇگىندە جەرگىلىكتى پەرزەنتحانا دا جاڭارتىلىپ، ىسكە قوسىلعان. وتكەن جىلى پەرزەنتحاناعا قۇنى 350 ميلليون تەڭگەنىڭ جاڭا جابدىقتارى ساتىپ الىنعان بولاتىن. ەۋروپانىڭ جەتەكشى مەديسينالىق ورتالىقتارىندا قايتا دايارلاۋدان وتكەن پەرزەنتحانا دارىگەرلەرى شالا تۋىلعان سابيلەردى ءومىرىن ساقتاپ قالۋدا ءتيىمدى جۇمىستار اتقارىپ كەلەدى.
سونىمەن قاتار، اسقار مامين وڭىرگە جاساعان جۇمىس ساپارىندا وسكەمەن قالاسىنداعى وبلىستىق بالالار اۋرۋحاناسىنا بارىپ، وندا رەانيماسيالىق جانە وپەراسيالىق بلوكتاردىڭ جۇمىسىمەن تانىستى. مۇندا ماماندار ۇكىمەت باسشىسىنا COVID-19 ىندەتىنە شالدىققانداردى يممۋندىق پلازما ارقىلى ەمدەۋگە قاتىستى عىلىمي جوبا جايىندا كەڭىنەن اڭگىمەلەپ بەردى.
وتكەن جىلدىڭ اياعىندا اشىلعان بالالار اۋرۋحاناسى 200 ورىنعا ارنالعان، وندا ءبىر مەزەتتە ناۋقاستاردى ەمدەپ، رەابيليتاسيادان وتكىزەتىن بولادى. وزىق زاماناۋي قوندىرعىلارمەن جابدىقتالعان مەديسينالىق نىسان بالالار اۋرۋىن باستاپقى كەزدە انىقتاۋعا مۇمكىندىك بەرەتىنىمەن دە ەرەكشەلەنەدى.
شىعىس قازاقستاندا مەديسينالىق كادرلاردى دايارلاۋدىڭ ايماقتىق باعدارلاماسىنا سايكەس، ءۇش جىل ىشىندە وبلىستىڭ 9 مىڭعا جۋىق دارىگەرى قايتا دايارلاۋدان وتەتىن بولاتىن. بۇعان بيۋدجەتتەن 3،5 ملرد تەڭگە قارجى بولىنگەن. سونداي-اق، شقو دارىگەرلەرى يتاليا، رەسەي، يزرايل، ۇلىبريتانيا، كورەيا، ۋكراينا جانە ليتۆاداعى دارىگەرلەردىڭ شەبەرلىك ساباقتارىنا قاتىسىپ، كاسىبي بىلىكتىلىكتەرىن بارىنشا كوتەرگەنىن ايتا كەتۋىمىز كەرەك.
الداعى ءۇش جىل ىشىندە مەديسينا قىزمەتكەرلەرى پەدياتريا، اكۋشەرلىك ءبىلىم مەن گينەكولوگيا، ونكولوگيا، جەدەل مەديسينالىق كومەك، نەيروحيرۋرگيا جانە نيەۆرولوگيا، كارديولوگيا جانە جۇرەك حيرۋرگياسى، تراۆماتولوگيا مەن وڭالتۋ باعىتتارى بويىنشا وقىتۋدان وتەدى دەپ كۇتىلۋدا.
اسەم جىلقىشييەۆا، شىعىس قازاقستان وبلىسى.
