2025 جىلعى مامىردا ەلىمىزدەگى ينفلياسيانىڭ جىلدىق دەڭگەيى 11،3% (2025 جىلعى ساۋىردە – 10،7%)، ءبىر ايدا – 0،9% بولدى (وتكەن ايدا – 1،2%)، دەپ حابارلايدى Dalanews.kz ق ر ۇلتتىق ستاتيستيكا بيۋروسىنا سىلتەمە جاساي وتىرىپ.
باعا اقىلى قىزمەتتەرگە ءبىر جىلدا – 16% (2025 جىلعى ساۋىردە – 15،7%)، ازىق-تۇلىك تاۋارلارعا – 9،6% (2025 جىلعى ساۋىردە – 8،5%)، ازىق-تۇلىك ەمەس تاۋارلارعا 9% ءوستى (2025 جىلعى ساۋىردە – 8،9%).
وتكەن جىلعى مامىرمەن سالىستىرعاندا تاريفتەر سۋىق سۋعا – 97،6%، سۋ بۇرۋعا – 25،1%، ورتالىقتان جىلىتۋعا – 19،2%، تاراتۋ جەلىلەرى بويىنشا تاسىمالداناتىن گازعا – 15%، ىستىق سۋعا – 14،5%، ەلەكتر ەنەرگياسىنا – 11،2%، تۇرعىن ءۇيدى كۇتىپ ۇستاۋعا جۇمسالعان تولەم 10،7% ءوستى.
باعا كەشەندى دەمالىستاردى ۇيىمداستىرۋ قىزمەتتەرىنە – 62،3%، بايلانىس قىزمەتتەرىنە – 15،8%، شاشتارازدار مەن جەكە قىزمەت كورسەتۋ ورىندارى قىزمەتتەرىنە – 14،6%، ساناتورييلەر قىزمەتتەرىنە – 14،4%، جەكە كولىك قۇرالدارىنا تەحنيكالىق قىزمەت كورسەتۋ جانە جوندەۋ قىزمەتتەرىنە – 13،5%، قوعامدىق تاماقتاندىرۋ قىزمەتتەرىنە – 12،5%، دەنساۋلىق ساقتاۋ قىزمەتتەرىنە – 12،3%، دەمالىس جانە سپورتتىق ءىس-شارالار سالاسىنداعى قىزمەتتەرگە 11% جوعارىلادى. جولاۋشىلار تەمىر جول كولىگىمەن جول ءجۇرۋ – 26،5%، قالالىق اۆتوبۋسپەن – 11،1%، جولاۋشىلار اۋە كولىگىمەن – 10،5%، تاكسيمەن 10% قىمباتتادى. تۇرعىن ءۇيدى جالعا الۋ تولەمى 13،6% ءوستى.
باعانىڭ ءوسۋى باستى پيازعا – 76،3%، قىرىققاباتقا – 67،5%، كارتوپقا – 66،9%، كۇنباعىس مايىنا – 23،8%، مينەرالدى جانە اۋىز سۋعا – 16،7%، سيىر ەتىنە – 15،3%، قوي ەتىنە – 14،3%، كونديتەرلىك ونىمدەرگە – 13،9%، سالقىنداتىلعان سۋسىندارعا – 12،5%، سارى مايعا – 12،3%، بالىق جانە تەڭىز ونىمدەرىنە، الكوگولدى ىشىمدىكتەر جانە تەمەكى ونىمدەرىنە – 11،9%-دان، ەت ونىمدەرىنە – 11،7%، جەمىس جانە كوكونىس شىرىندارعا 10،6% بەلگىلەندى. باعانىڭ تومەندەۋى قاراقۇمىق جارماسىنا – 12%، كۇرىشكە 8،3% بايقالدى.
باعا دەڭگەيى زەرگەرلىك بۇيىمدار جانە ساعاتتارعا – 33،5%، جاڭا جەڭىل اۆتوموبيلدەرگە – 24،9%، ءىرى ەلەكتر-تۇرمىستىق كەرەك-جاراقتارعا – 20،4%، دىبىس-بەينە شولۋ جابدىعىنا – 20،2%، ەدەنگە ارنالعان كىلەمدەر مەن كىلەمدىك جابىندارعا – 13،5%، كيىم جانە اياق كيىمگە – 10،9%، جيھاز جانە ۇيگە قاجەتتى زاتتارعا 10،3% ءوستى. سۇيىتىلعان گاز باللونداعى – 23،1%، اعاش 14،6% قىمباتتادى.
وڭىرلەر بولىنىسىندە 2025 جىلعى مامىردا ينفلياسيا ورتاشا رەسپۋبليكالىق دەڭگەيدەن اساتىن بەس وڭىردە قالىپتاستى، ولاردىڭ ىشىندە ەڭ جوعارى – الماتى قالاسىندا (13%)، استانا قالاسىندا (12،8%)، قاراعاندى وبلىسىندا (12،7%).
تكش قىزمەتتەرى ءبىر جىلدا 15،7% قىمباتتادى، ال ولاردىڭ ينفلياسياعا ۇلەسى 1،8 پايىزدىق تارماقتى قۇرادى. 2025 جىلعى مامىردا وتكەن جىلعى مامىرمەن سالىستىرعاندا سۋىق سۋعا تاريفتەر – 97،6%، تۇرعىن ءۇيدى جالعا بەرۋ تاريفتەرى 13،6% ءوسىپ جانە جىلدىق ينفلياسياعا – 0،5 پايىزدىق تارماقتان، تۇرعىن ءۇي جايلاردى جوندەۋ جانە قىزمەت كورسەتۋ تاريفتەرى (6،2%) 0،2 پايىزدىق تارماققا ۇلەس قوستى.
جىل ىشىندە ەت جانە ەت ونىمدەرى باعاسى – 10،4%، جەمىستەر مەن كوكونىستەر 17% ءوسىپ، ينفلياسياعا تيىسىنشە 1،2 جانە 1 پايىزدىق تارماققا نەگىزگى ۇلەس قوستى. ماي جانە توڭ ماي باعاسىنىڭ 15،8% قىمباتتاۋى جىلدىق ينفلياسياعا 0،4 پايىزدىق تارماققا، ءسۇت ونىمدەرى (7%) – 0،3 پايىزدىق تارماققا، الكوگولسىز سۋسىندار (11%)، نان ونىمدەرى مەن جارمالار (3،3%) – 0،2 پايىزدىق تارماقتان ۇلەس قوستى.
جىلدىق ماندە كيىم – 10،5%، اياق كيىم 11،7% قىمباتتادى جانە ينفلياسياعا تيىسىنشە 0،7 جانە 0،4 پايىزدىق تارماققا ۇلەس قوستى.
