2025 jylǵy mamyrda elimizdegi ınflásıanyń jyldyq deńgeıi 11,3% (2025 jylǵy sáýirde – 10,7%), bir aıda – 0,9% boldy (ótken aıda – 1,2%), dep habarlaıdy Dalanews.kz QR Ulttyq statısıka búrosyna silteme jasaı otyryp.

Baǵa aqyly qyzmetterge bir jylda – 16% (2025 jylǵy sáýirde – 15,7%), azyq-túlik taýarlarǵa – 9,6% (2025 jylǵy sáýirde – 8,5%), azyq-túlik emes taýarlarǵa 9% ósti (2025 jylǵy sáýirde – 8,9%).

Ótken jylǵy mamyrmen salystyrǵanda tarıfter sýyq sýǵa – 97,6%, sý burýǵa – 25,1%, ortalyqtan jylytýǵa – 19,2%, taratý jelileri boıynsha tasymaldanatyn gazǵa – 15%, ystyq sýǵa – 14,5%, elektr energıasyna – 11,2%, turǵyn úıdi kútip ustaýǵa jumsalǵan tólem 10,7% ósti.

Baǵa keshendi demalystardy uıymdastyrý qyzmetterine – 62,3%, baılanys qyzmetterine – 15,8%, shashtarazdar men jeke qyzmet kórsetý oryndary qyzmetterine – 14,6%, sanatorııler qyzmetterine – 14,4%, jeke kólik quraldaryna tehnıkalyq qyzmet kórsetý jáne jóndeý qyzmetterine – 13,5%, qoǵamdyq tamaqtandyrý qyzmetterine – 12,5%, densaýlyq saqtaý qyzmetterine – 12,3%, demalys jáne sporttyq is-sharalar salasyndaǵy qyzmetterge 11% joǵarylady. Jolaýshylar temir jol kóligimen jol júrý – 26,5%, qalalyq avtobýspen – 11,1%, jolaýshylar áýe kóligimen – 10,5%, taksımen 10% qymbattady. Turǵyn úıdi jalǵa alý tólemi 13,6% ósti.

Baǵanyń ósýi basty pıazǵa – 76,3%, qyryqqabatqa – 67,5%, kartopqa – 66,9%, kúnbaǵys maıyna – 23,8%, mıneraldy jáne aýyz sýǵa – 16,7%, sıyr etine – 15,3%, qoı etine – 14,3%, kondıterlik ónimderge – 13,9%, salqyndatylǵan sýsyndarǵa – 12,5%, sary maıǵa – 12,3%, balyq jáne teńiz ónimderine, alkogóldi ishimdikter jáne temeki ónimderine – 11,9%-dan, et ónimderine – 11,7%, jemis jáne kókónis shyryndarǵa 10,6% belgilendi. Baǵanyń tómendeýi qaraqumyq jarmasyna – 12%, kúrishke 8,3% baıqaldy.

Baǵa deńgeıi zergerlik buıymdar jáne saǵattarǵa – 33,5%, jańa jeńil avtomobılderge – 24,9%, iri elektr-turmystyq kerek-jaraqtarǵa – 20,4%, dybys-beıne sholý jabdyǵyna – 20,2%, edenge arnalǵan kilemder men kilemdik jabyndarǵa – 13,5%, kıim jáne aıaq kıimge – 10,9%, jıhaz jáne úıge qajetti zattarǵa 10,3% ósti. Suıytylǵan gaz balondaǵy – 23,1%, aǵash 14,6% qymbattady.

Óńirler bólinisinde 2025 jylǵy mamyrda ınflásıa ortasha respýblıkalyq deńgeıden asatyn bes óńirde qalyptasty, olardyń ishinde eń joǵary – Almaty qalasynda (13%), Astana qalasynda (12,8%), Qaraǵandy oblysynda (12,7%).

TKSH qyzmetteri bir jylda 15,7% qymbattady, al olardyń ınflásıaǵa úlesi 1,8 paıyzdyq tarmaqty qurady. 2025 jylǵy mamyrda ótken jylǵy mamyrmen salystyrǵanda sýyq sýǵa tarıfter – 97,6%, turǵyn úıdi jalǵa berý tarıfteri 13,6% ósip jáne jyldyq ınflásıaǵa – 0,5 paıyzdyq tarmaqtan, turǵyn úı jaılardy jóndeý jáne qyzmet kórsetý tarıfteri (6,2%) 0,2 paıyzdyq tarmaqqa úles qosty.

Jyl ishinde et jáne et ónimderi baǵasy – 10,4%, jemister men kókónister 17% ósip, ınflásıaǵa tıisinshe 1,2 jáne 1 paıyzdyq tarmaqqa negizgi úles qosty. Maı jáne toń maı baǵasynyń 15,8% qymbattaýy jyldyq ınflásıaǵa 0,4 paıyzdyq tarmaqqa, sút ónimderi (7%) – 0,3 paıyzdyq tarmaqqa, alkogolsiz sýsyndar (11%), nan ónimderi men jarmalar (3,3%) – 0,2 paıyzdyq tarmaqtan úles qosty.

Jyldyq mánde kıim – 10,5%, aıaq kıim 11,7% qymbattady jáne ınflásıaǵa tıisinshe 0,7 jáne 0,4 paıyzdyq tarmaqqa úles qosty.