پارلامەنت ءماجىلىسىنىڭ دەپۋتاتتارى سايلاۋشىلارمەن كەزدەسۋلەر وتكىزىپ، پارتيانىڭ سايلاۋالدى باعدارلاماسىن ىسكە اسىرۋعا ارنالعان جول كارتاسىنىڭ ورىندالۋىن قاداعالاپ، ءوڭىردىڭ الەۋمەتتىك-ەكونوميكالىق دامۋ بارىسىن باعامدادى.
وبلىس اكىمىنىڭ ءبىرىنشى ورىنباسارى ارمان جەتپىسبايدىڭ قابىلداۋىندا بولعان حالىق قالاۋلىلارى تۇركىستان وبلىسىن دامىتۋ باعىتىنداعى اتقارىلىپ جاتقان جۇمىستار مەن Nur Otan پارتياسىنىڭ «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسىن ورىنداۋ جونىندەگى جول كارتاسىنىڭ تۇركىستان وبلىسى بويىنشا جۇزەگە اسىرىلۋ بارىسىن تالقىلادى. وڭىردەگى ءبىرقاتار
وزەكتى ماسەلەلەردى كوتەرىپ، وبلىس باسشىلىعىمەن ولاردىڭ شەشۋ جولدارىن ورتاعا سالدى. قازىرگى تاڭدا تۇركىستان وبلىسىنىڭ ءاربىر اۋدان، قالاسى جانە وبلىستىق دەڭگەي بويىنشا 17 جول كارتاسى ازىرلەنىپ، جۇزەگە اسىرىلىپ جاتىر.
سونىمەن قاتار، ءماجىلىس دەپۋتاتتارى تۇركىستان وبلىسىنىڭ دامۋىنا جوعارى باعا بەرىپ، باستى زاڭ شىعارۋشى ورگانداعى اتقارىلىپ جاتقان جۇمىستار مەن جاڭا زاڭ جوبالارىنا توقتالىپ ءوتتى.
