MAەك-تەگٸ اپات: حالىققا ەلەكتر قۋاتىن ۋاقىتشا ٶشٸرۋ تۋرالى ەسكەرتۋ بٸر كٷن بۇرىن جٷرگٸزٸلەتٸن بولادى
ەرتەڭنەن باستاپ تۇرعىندارعا جوسپارلى شەكتەۋلەر بويىنشا الدىن الا حابارلاناتىن بولادى. بۇل تۋرالى ماڭعىستاۋ وبلىسى قوعامدىق كوممۋنيكاتسييا ورتالىعىندا ٶتكەن بريفينگتە ايماق باسشىسىنىڭ بٸرٸنشٸ ورىنباسارى جۇماباي قاراعاەۆ ايتتى.
ٶڭٸردەگٸ ەلدٸ مەكەندەردٸ بٸركەلكٸ جابدىقتاۋدى قامتاماسىز ەتۋ ٷشٸن ۋاقىتشا اجىراتۋلاردى "تيٸمدٸ" ەدٸسپەن جٷرگٸزۋ جوسپارلانعان. بۇل بەلگٸلٸ بٸر ايماققا سەيكەس تۇتىنىلاتىن ەنەرگييا كٶلەمٸن ازايتۋ ماقساتىندا, تۇتىنۋشىلار ٷشٸن ەلەكتر قۋاتى 3-تەن 5 ساعاتقا دەيٸن تسيكلدٸك تٷردە ٶشەتٸنٸن بٸلدٸرەدٸ. تۇرمىستىق ەنەرگييا تۇتىنۋشىلارعا جوسپارلانعان ٷزٸلٸستەر الدىن-الا حابارلاناتىن بولادى.
«ماەك» جشس-دە ەلەكتر ەنەرگيياسىنىڭ جالپى ٶندٸرٸس قۋاتتىلىعى 545 مۆت قۇرايدى. الايدا, ەكٸ ەلەكتر ستانتسيياسىنداعى ەنەرگەتيكالىق بلوگتاردىڭ مەجبٷرلٸ توقتاۋىنا بايلانىستى ٶندٸرٸس قۋاتتىلىعى قازٸرگٸ تاڭدا 245 مۆت-قا دەيٸن قىسقارعان.
وسى ورايدا ايماق باسشىلىعى مەملەكەتتٸك ورگاندار جەنە كوممۋنالدىق قىزمەت ٶكٸلدەرٸمەن بٸرگە ەڭ الدىمەن ەلەۋمەتتٸك وبەكتٸلەردٸ ەلەكتر ەنەرگيياسىمەن قامتاماسىز ەتۋ بويىنشا جەدەل شتاب قۇردى.
- وبلىس باسشىلىعىنىڭ تٶراعالىعىمەن قۇرىلعان جەدەل شتابقا ۋەكٸلەتتٸ مەملەكەتتٸك ورگاندار مەن كوممۋنالدىق قىزمەت ٶكٸلدەرٸ كٸردٸ. ولار ەلەكتر ەنەرگيياسىن ٶشٸرۋ بٸرٸنشٸ كەزەكتە ٶنەركەسٸپتٸك وبەكتٸلەرگە ەسەر ەتەتٸنٸ تۋرالى شەشٸم قابىلدادى. بۇل شەشٸم تۇرمىستىق ەنەرگييا تۇتىنۋشىلارىنا ىڭعايسىزدىق تۋدىرماۋ ٷشٸن قابىلدانىپ وتىر. كەيبٸر كەن ورىندارى گەنەراتورلارمەن جابدىقتالعان, ال باسقالا نىسانداردا جاعداي قيىنىراق. سونىمەن قاتار, اۋرۋحانالار, بالاباقشالار سيياقتى ەلەۋمەتتٸك نىساندار ەلەكتر قۋاتىمەن قامتاماسىز ەتٸلەتٸن بولادى. بٸز تۇرعىنداردان ارانداتۋشىلىققا بوي الدىرماۋدى, تەك رەسمي دەرەككٶزدەرگە سەنۋدٸ سۇرايمىز, - دەدٸ «ماڭعىستاۋ ٶڭٸرلٸك ەلەكتر جەلٸسٸ كومپانيياسى» اق باسقارما تٶراعاسى قاسىمحان سىزدىقوۆ.
جەدەل شتاب وتىرىسىندا تٶتەنشە جاعداي رەجيمٸن ەنگٸزۋ تۋرالى مەسەلە قارالدى.
- تج ەنگٸزۋ تۋرالى مەسەلە قارالۋدا. ەزٸرگە بۇل شارا تيٸستٸ نەتيجە بەرمەيدٸ دەپ ەسەپتەيمٸز, ٶيتكەنٸ تج رەجيمٸ تەك مەملەكەتتٸك ساتىپ الۋعا قاتىستى شەكتەۋلەر ەنگٸزۋگە مٷمكٸندٸك بەرەدٸ. ورىن العان جاعدايدا بٸزدٸ جٷيەلٸك وپەراتور - «KEGOC» اق قولداپ وتىر, ول بٸزگە 80 مۆت - قا دەيٸن الۋعا كٶمەكتەسەدٸ, - دەپ تٷسٸندٸردٸ جۇماباي قاراعاەۆ.
قازٸرگٸ ۋاقىتتا جەدەل شتاب ٶڭٸردە ەلەكتر ەنەرگيياسىن بەرۋدٸ جەدەل قالپىنا كەلتٸرۋ بويىنشا جۇمىس ٸستەۋدە جەنە كومبينات قىزمەتكەرلەرٸ تولىقتاي كٷش سالۋدا.
- «ماەك»-تەگٸ اپات جويىلعانعا دەيٸن ٶڭٸر تۇرعىندارىن وسى جاعدايعا تٷسٸنٸستٸكپەن قاراۋعا, ەلەكتر ەنەرگيياسىن ٷنەمدٸ تۇتىنۋعا شاقىرامىن. كوممۋنالدىق قىزمەت ماماندارى كٷندٸز-تٷنٸ ەنەرگييا بلوكتارىنىڭ جۇمىسىن تەز قالپىنا كەلتٸرۋ ٷشٸن جۇمىس اتقارۋدا. بٷگٸن بٸز «تيٸمدٸ» ٶشٸرۋدٸڭ ەڭ جوعارى جٷكتەمەلەرٸن سىناقتان ٶتكٸزٸپ جاتىرمىز, ەرتەڭنەن باستاپ تۇرعىندارعا بارىنشا ىڭعايلى بولۋ ٷشٸن, ەلدٸ مەكەندەردٸ اجىراتۋ كەستەسٸن الدىن-الا ۇسىناتىن بولامىز, - دەپ قورىتىندىلادى جۇماباي قاراعاەۆ.
