قارجى مينيسترٸ مەدي تەكيەۆ باق ٶكٸلدەرٸنٸڭ مەملەكەتتٸك قارىز تۋرالى قويعان سۇراعىنا جاۋاپ بەردٸ, دەپ حابارلايدى Dalanews.kz.
“قازٸرگٸ تاڭدا مەملەكەتتٸك قارىز 30,5 ترلن تەڭگەنٸ قۇرادى. بۇل — جالپى ٸشكٸ ٶنٸمنٸڭ 22,6 پايىزى”, — دەدٸ مينيستر.
ايتۋىنشا, بەكٸتٸلگەن ليميت بويىنشا مەملەكەتتٸڭ قارىزى جٸٶ-گە شاققاندا 32 پايىزدان اسپاۋى قاجەت.
“بۇل تۇرعىدا بٸز ليميتتەن اسقان جوقپىز”, - دەپ ناقتىلادى ول.
ەسكە سالايىق, Buzyq telegram-ارناسى قازاقستاننىڭ قارجى احۋالىن زەرتتەپ, ەلدە قانشا اقشا بار ەكەنٸن جەنە ەلەمگە قانشا قارىز ەكەنٸن انىقتاعان بولاتىن. زەرتتەۋگە ۇلتتىق بانكتٸڭ ماماندارى مۇرات ەركٸنەليەۆ پەن زابيرا كامالدينوۆا اتسالىسقان.
دەرەككٶز مەلٸمەتٸنشە, ۇلتتىق قورداعى ەڭ جوعارى سوما 2014 جىلى تٸركەلگەن. ول كەزدە $77,2 ملرد جيناقتالعان ەكەن.
“2024 جىلدىڭ قاراشاسىنداعى جاعداي بويىنشا ۇلتتىق قوردا $60,7 ملرد ساقتالعان. بۇل – كەيٸنگٸ ۇرپاققا قالاتىن مۇرا. سوڭعى 10 جىلدا ۇلتتىق قورداعى قارجى $16,5 ملرد-قا ازايعان. بيىل ۇلتتىق قوردان بيۋدجەت قاجەتتٸلٸكتەرٸنە ₸5,6 ترلن ($11,2 ملرد) بٶلٸنگەنٸمەن, قايتارىلعان قارجى ايتارلىقتاي از. بۇل مەسەلە دەپۋتاتتار تالقىلاۋىنا تٷسكەن. دەگەنمەن قازاقستانعا قارىز ەلدەر دە بار”, — دەيدٸ دەرەككٶز.
مەملەكەتتٸك قارىزدىڭ قازٸرگٸ جاعدايى
قازاقستاننىڭ سىرتقى مەملەكەتتٸك قارىزى $12,9 ملرد-قا جەتكەن.
“مەملەكەتتٸك قارىز سىرتقى جەنە ٸشكٸ بولىپ ەكٸگە بٶلٸنەدٸ. ٸشكٸ قارىز – مەملەكەتتٸڭ قازاقستاندىقتارعا بەرەشەگٸ. ال سىرتقى قارىز – شەتەلدٸك نەسيە بەرۋشٸلەر الدىنداعى مٸندەتتەمەلەرٸ. قازٸرگٸ سىرتقى مەملەكەتتٸك قارىز كٶلەمٸ – $12,9 ملرد. قازاقستان قارىزدىڭ باسىم بٶلٸگٸن ۇلىبريتانييا, ليۋكسەمبۋرگ, رەسەي جەنە حالىقارالىق ۇيىمداردان العان. الايدا باسقا مەملەكەتتەر دە بٸزگە قارىز. ەرٸ ولاردىڭ قارىزى بٸزدٸڭ قارىزىمىزدان ەلدەقايدا كٶپ”, — دەيدٸ ولار.
ايتۋلارىنشا, قازاقستاننىڭ سىرتقى اكتيۆتەرٸ كەم دەگەندە $98,5 ملرد-قا تەڭ. بۇل ەلدٸڭ حالىقارالىق قارجىلىق مٸندەتتەمەلەرٸن ٶتەي الاتىنىن كٶرسەتەدٸ.
“ال ەندٸ جالپى سىرتقى قارىزعا كەلسەك, ونىڭ كٶلەمٸ – $166,6 ملرد. بٸراق مۇندا مەملەكەتتٸك قارىزدان بٶلەك, بانكتەردٸڭ, جەكە كومپانييالاردىڭ جەنە باسقا ۇيىمداردىڭ قارىزدارى كٸرەدٸ”, — دەدٸ ولار.
