ليتۆا قازاقستانداعى تۇرۋعا ىقتييارحات الۋعا ٶتٸنٸش قابىلدايتىن سىرتقى قىزمەت كٶرسەتۋشٸ بٶلٸمشەنٸڭ جۇمىسىن توقتاتادى. بۇل تۋرالى ەلدٸڭ ٸشكٸ ٸستەر مينيسترٸ مارتيناس كاتەليناس مەلٸمدەدٸ, دەپ حابارلايدى dalanews.kz.
مينيستردٸڭ ايتۋىنشا, مۇنداي بٶلٸمشەلەر قازاقستاننان بٶلەك قىرعىزستان, ٶزبەكستان جەنە بوسنييا مەن گەرتسەگوۆينادا دا جابىلادى. الايدا ولاردىڭ ناقتى قاشان جابىلاتىنى جەنە ىقتييارحات رەسٸمدەۋدٸڭ جاڭا تەرتٸبٸ ەزٸرگە ناقتىلانباعان.
كاتەليناس شەشٸم قاۋٸپسٸزدٸك تەۋەكەلدەرٸن باعالاۋ نەتيجەسٸندە قابىلدانعانىن ايتتى. ونىڭ سٶزٸنشە, ليتۆانىڭ ارنايى قىزمەتتەرٸ ورتالىق ازييادان شىققان كەيبٸر ازاماتتاردىڭ راديكالدى كٶزقاراستارى نەمەسە تەرروريزممەن بايلانىستارى بولۋى مٷمكٸن دەگەن دەرەكتەر انىقتاعان.
سونىمەن قاتار بۇل شەشٸم تەك ليتۆادا تۇرۋعا ىقتييارحات الۋعا ارنالعان ٶتٸنٸشتەردٸ قابىلدايتىن بٶلٸمشەلەرگە قاتىستى. ال شەنگەن ۆيزالارىن رەسٸمدەۋگە ٶتٸنٸش قابىلداۋ توقتاتىلاتىنى تۋرالى اقپارات جارييالانعان جوق.
