Litva Qazaqstandaǵy turýǵa yqtiiarhat alýǵa ótinish qabyldaityn syrtqy qyzmet kórsetýshi bólimsheniń jumysyn toqtatady. Bul týraly eldiń ishki ister ministri Martinas Katelinas málimdedi, dep habarlaidy dalanews.kz.
Ministrdiń aitýynsha, mundai bólimsheler Qazaqstannan bólek Qyrǵyzstan, Ózbekstan jáne Bosniia men Gertsegovinada da jabylady. Alaida olardyń naqty qashan jabylatyny jáne yqtiiarhat rásimdeýdiń jańa tártibi ázirge naqtylanbaǵan.
Katelinas sheshim qaýipsizdik táýekelderin baǵalaý nátijesinde qabyldanǵanyn aitty. Onyń sózinshe, Litvanyń arnaiy qyzmetteri Ortalyq Aziiadan shyqqan keibir azamattardyń radikaldy kózqarastary nemese terrorizmmen bailanystary bolýy múmkin degen derekter anyqtaǵan.
Sonymen qatar bul sheshim tek Litvada turýǵa yqtiiarhat alýǵa arnalǵan ótinishterdi qabyldaityn bólimshelerge qatysty. Al shengen vizalaryn rásimdeýge ótinish qabyldaý toqtatylatyny týraly aqparat jariialanǵan joq.
