مەجٸلٸس دەپۋتاتى ەلنۇر بەيسەنباەۆ بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ تٶراعاسى مارات وماروۆقا جولداعان دەپۋتاتتىق ساۋالىندا قازاقستانداعى كينونارىقتىڭ مونوپوليياعا ۇشىراعانىن ايتىپ, كينوتەاتر جەلٸلەرٸنٸڭ تابىستى ەدٸلەتسٸز بٶلٸپ وتىرعانىنا نازار اۋداردى, دەپ حابارلايدى Dalanews.kz.
ونىڭ ايتۋىنشا, مەملەكەت باسشىسى قاسىم-جومارت توقاەۆ كرەاتيۆتٸ يندۋسترييانى ۇلتتىق ەكونوميكانىڭ باسىم باعىتى دەپ ايقىنداعانىمەن, كينو سالاسىندا قالىپتاسقان جاعداي بۇل ماقساتقا كەدەرگٸ كەلتٸرٸپ وتىر.
"كينو - جاستاردى تەربيەلەۋدە ەڭ ىقپالدى قۇرال. بٸراق قازٸر بۇل سالادا ەدٸلەتسٸزدٸك بەلەڭ الىپ وتىر", - دەدٸ دەپۋتات.
كاسسادان بٸردەن 50 پايىز الادى
ەلنۇر بەيسەنباەۆتىڭ سٶزٸنشە, ٸرٸ كينوتەاتر جەلٸلەرٸ ٶزدەرٸنٸڭ ٷستەم جاعدايىن پايدالانىپ, فيلم پروكاتىنىڭ العاشقى كٷنٸنەن باستاپ كاسسالىق تٷسٸمنٸڭ 50 پايىزىن الىپ وتىر.
مەسەلە تازا پايدادان ەمەس, تٸكەلەي جالپى تابىستان - ياعني ساتىلعان بيلەتتەردەن تٷسكەن بارلىق قارجىدان ۇستالىپ وتىرعانىندا. بۇل كينوجوبالاردىڭ ٶزٸن-ٶزٸ اقتاۋىنا ٷلكەن كەدەرگٸ كەلتٸرەدٸ.
"رەجيسسەرلەر مەن پروديۋسەرلەر كينوتەاترلاردىڭ قىسىمىنان قورقىپ, ٷنسٸز قالۋعا مەجبٷر. ٶيتكەنٸ ولار وسى جاساندى مونوپوليياعا تەۋەلدٸ", - دەدٸ بەيسەنباەۆ.
سونىمەن قاتار, ونىڭ ايتۋىنشا, فيلم اۆتورلارى جارناما مەن ٸلگەرٸلەتۋ ٷشٸن بٶلەك تٶلەمدەر تٶلەۋگە, تٸپتٸ "كٶلەڭكەلٸ جارنالار" بەرۋگە مەجبٷر.
مەملەكەتتٸك قارجىعا تٷسٸرٸلگەن فيلمدەردەن دە پايدا كٶرەدٸ
دەپۋتاتتى ەرەكشە الاڭداتقانى - مەملەكەتتٸك قارجىعا تٷسٸرٸلگەن فيلمدەردەن دە كينوتەاترلاردىڭ ٸرٸ ٷلەس الۋى.
"مىسالى, مەملەكەتتٸك بيۋدجەت ەسەبٸنەن تٷسٸرٸلگەن “QAITADAN” فيلمٸ پروكاتتا بٸر ميلليارد تەڭگەدەن استام تابىس تاپتى. سونىڭ 550 ميلليونى كينوتەاترلارعا كەتتٸ. ال مەملەكەت فيلمگە بار بولعانى 190 ميلليون تەڭگە بٶلگەن", - دەدٸ ول.
تٶلەۋ سٶزبەن ايتقاندا, جەكەمەنشٸك كينوتەاتر جەلٸلەرٸ بيۋدجەت قارجىسى تولىق قايتارىلماي تۇرىپ, ودان بٸرنەشە ەسە كٶپ تابىس الىپ وتىر. دەپۋتات مۇنى جول بەرۋگە بولمايتىن جاعداي دەپ اتادى.
نارىقتى "تاڭداۋلى توپ" باقىلاپ وتىر
بەيسەنباەۆتىڭ ايتۋىنشا, قازٸر قازاقستاننىڭ كينونارىعىن ساناۋلى عانا جەلٸلەر باقىلاۋدا ۇستاپ وتىر.
ونىڭ كەلتٸرگەن دەرەگٸنە سٷيەنسەك, Kinopark پەن Kinoplexx ەلدەگٸ بارلىق كينوزالدىڭ 40 پايىزىنا دەيٸن يەلٸك ەتەدٸ, ال Chaplin مەن Cinemax ٸرٸ قالالاردا ٷستەمدٸككە يە.
"ولار ەكراندى, پرايم-تايمدى, تٸپتٸ قاي فيلم كٶرەرمەنگە جەتەتٸنٸن ٶزدەرٸ شەشەدٸ. بۇل - ەدٸل بەسەكە ەمەس, بۇل - تازا مونوپولييالىق ساياسات", - دەدٸ دەپۋتات.
"AMANAT" پارتيياسى فراكتسيياسىنىڭ ۇستانىمىنا ساي, كينوتەاترلار فيلم ٶزٸن-ٶزٸ اقتامايىنشا, تابىستان ٷلەس الۋعا تيٸس ەمەس.
"فيلم ٶز شىعىنىن قايتارعاننان كەيٸن عانا پايدا ەدٸل بٶلٸنۋٸ كەرەك", - دەدٸ بەيسەنباەۆ.
ول اقش-تا قولدانىلاتىن "سىرعىمالى شكالا" ٷلگٸسٸن مىسالعا كەلتٸرٸپ, وندا پروكاتتىڭ العاشقى اپتالارىندا ستۋدييالار تابىستىڭ 70–90 پايىزىن الاتىنىن ايتتى.
دەپۋتات بەسەكەلەستٸكتٸ قورعاۋ جەنە دامىتۋ اگەنتتٸگٸن كينوتەاترلار, پروكاتشىلار جەنە كينوستۋدييالار اراسىنداعى كەلٸسٸمشارتتاردى تەكسەرۋگە شاقىردى.
"كينوتەاتر جەلٸلەرٸنٸڭ ٷستەم جاعدايىن پايدالانىپ, تابىستىڭ 50 پايىزىن نەگٸزسٸز يەمدەنۋٸنە كەشەندٸ تەكسەرۋ جٷرگٸزٸلۋٸ كەرەك", - دەدٸ ەلنۇر بەيسەنباەۆ.
فراكتسييا اتىنان ول بۇل سالادا ەدٸل بەسەكەنٸ قالپىنا كەلتٸرۋدٸ جەنە قازاقستاندىق كينونىڭ ەكونوميكالىق تۇنشىعۋىن توقتاتۋدى تالاپ ەتتٸ.
