ەلىمىزدە كيبەرقاۋىپسىزدىكپەن اينالىساتىن ەكى بىردەي ءىرى مەكەمە بار. العاشقىسى – سيفرلىق دامۋ مينيسترلىگىنە قاراستى اقپاراتتىق قاۋىپسىزدىك كوميتەتى، كەيىنگىسى «مەملەكەتتىك تەحنيكالىق قىزمەت» اگەنتتىگى. 

باعدات مۋسينگە قاراستى كوميتەت ەلىمىزگە قاتەر توندىرەتىن كيبەرشابۋىلدىڭ جولىن كەسۋمەن، الدىن-الۋمەن اينالىسادى. بۇدان بولەك مەملەكەتتىك ەلەكتروندى بازالاردىڭ مالىمەتى سىرتقا تارالماۋىنا جاۋاپ بەرەدى.

قازاقستاندا كيبەرشابۋىلعا توتەپ بەرۋ، ونىڭ تارالۋ اۋماعىن تارىلتۋ ماقساتىندا «كيبەرقالقان» كەشەنى ازىرلەنگەن. باعدارلاما بيىلعى جىلدىڭ سوڭىنا دەيىن جوسپارلانعان.

ءوز كەزەگىندە «مەملەكەتتىك تەحنيكالىق قىزمەتكە» اقپاراتتىق قاۋىپسىزدىكتى قامتاماسىز ەتۋ مىندەتى جۇكتەلگەن. قۇرىلىم العاشقىدا ەلەكتروندى ۇكىمەتتىڭ پورتالدارىنا قىزمەت كورسەتۋمەن اينالىسقان-تۇعىن. سونىڭ ىشىندە سەرۆەرلەردى سۇزگىدەن وتكىزۋ، مەمرەسۋرستاردىڭ اقپاراتىن جيناقتاۋ جانە ساقتاۋ مىندەتى وسى قۇرىلىمعا قارايتىن ەدى.

2018 جىلدان باستاپ وسىناۋ قۇرىلىم ۇقك-عا بەرىلىپ، كيبەرقاۋىپسىزدىكتى قامتاماسىز ەتۋمەن اينالىسۋعا كوشتى.

كيبەرشابۋىلداردى انىقتاۋ جانە زەرتتەۋ ورتالىعى ديرەكتورى ولجاس ساتييەۆتىڭ اتاپ وتكەنىندەي، قاڭتار وقيعاسىنا ورىن الىپ، جاڭا قازاقستان ورناعالى ەلىمىزگە باعىتتالعان كيبەرشابۋىلداردىڭ سانى وسكەن.

«كيبەرقاۋىپسىزدىك ماسەلەسىنە سەلقوس قاراۋعا بولمايدى. ۇكىمەتكە قاراستى قۇرىلىمدار، كۆازيمەملەكەتتىك سەكتور، بيزنەس ءبارى-بارى دە اقپاراتتىق ءداۋىردىڭ تاۋەكەلدەرىن ەسكەرۋى ءتيىس. بۇل سالاعا بولىنەتىن قارجىنى كولەمىن كوبەيتىن، كاسىبي كادرلاردى دايىنداۋعا كوڭىل ءبولۋ قاجەت»، – دەيدى ساراپشى.

ەلىمىزدە كيبەرقاۋىپسىزدىكتى قامتاماسىز ەتۋگە قوماقتى قارجى بولىنەدى. ماسەلەن بىلتىرعى جىلى سيفرلىق دامۋ مينيسترلىگى تاراپىنان بۇل ىسكە 7،2 ملرد تەڭگە بولىنگەن، بيىلعى بۇعان بولىنگەن بيۋدجەت ءبىرشاما ازايىپ 5،2 ملر تەڭگەنى قۇراعان.

«كيبەرقالقان» كەشەنىن ءسوز ەتكەندە كادر ماسەلەسىن اينالىپ وتە المايمىز. اقپاراتتىق قاۋىپسىزدىكپەن اينالىساتىن مەمقۇرىلىمدارعا كاسىبي ماماندارعا ءزارۋ.

كيبەرشابۋىلدارعا توتەپ بەرەتىن تەحنولوگيالارعا مۇحتاج ەمەسپىز، ال كادر ماسەلەسىنە كەلگەندە ولقىلىقتار كوپ. وسى تەحنولوگيانى يگەرىپ كەتە الاتىن مامان دايىنداۋعا مۇقيات كوڭىل ءبولۋ كەرەك. مەمسەكتوردا قىزمەت ەتەتىن وسى سالانىڭ ماماندارىنا ءارى كەتكەندە 500 مىڭ جالاقى تولەيدى، ولاردىڭ جۇمىس كەستەسى مەن جاۋاپكەرشىلىگىن ەسكەرسەك، بۇل ايلىق، البەتتە ازدىق ەتەدى»، – دەيدى ولجاس ساتييەۆ.

ساراپشىنىڭ پىكىرىنشە ەلىمىزدەگى كيبەرسەكتوردى قاۋىپسىزدىگىن قامتاماسىز ەتۋ ءۇشىن ىلگەرىدەگى قۇرىلىمداردان بولەك جەكە، اۆتونومدى اگەنتتىك قۇرعان ءجون. مامان مۇنىڭ سەبەبىن دە تۇسىندىرە كەتتى:

«وتكەن ايدا عانا ەلىمىزگە 20 ملن-عا جۋىق كيبەرشابۋىل جاسالعان ەكەن. ولار ۋاقىت وتكەن سايىن كۇشەيىپ، ۇدەي تۇسەدى. تيىسىنشە، مۇنداي شابۋىلداردى تەجەي دە قيىنداي تۇسپەك. ەلىمىز سيفرلاندىرۋعا قاراي بەت بۇرعانىن ەسكەرسەك، وسى سالاداعى جەكەمەنشىك جوبالارعا دا نازار اۋدارۋى ءتيىس. ەلىمىزدەگى تالانتتى ءىت ماماندار لايىقتى ەڭبەكاقى تولەنسە، وسى ىسكە اتسالىسۋعا ءازىر. سىرتتان تونەتىن قاۋىپ-قاتەردىڭ ەلەكتروندى ۇكىمەتتىڭ جۇمىسىن تۇرالاتىپ، ەكونوميكانى قۇلدىراتۋىنا جول بەرمەۋىمىز كەرەك»، – دەيدى ساراپشى.

https://dalanews.kz/news/78063-dukenshiler-qantty-tygyp-otyr-aqtob

 

 

 

 

.