كۇرشىم اۋدانىندا جاڭا مەكتەپ اشىلدى

Dalanews 14 جەلت. 2016 09:06 578

ق ر تاۋەلسىزدىگىنىڭ 25 جىلدىعىنا وراي شىعىس قازاقستان وبلىسى كۇرشىم اۋدانىنا قاراستى ءۇشبۇلاق اۋىلىندا جاڭا مەكتەپ اشىلدى. مەرەكە قارساڭىندا قولدانىسقا بەرىلگەن 80 ورىندىق مەكتەپ زاماناۋي تەحنيكامەن جابدىقتالىپ، وقۋشىعا بارلىق جاعداي جاسالعان.

اسىرەسە بيولوگيا، حيميا، فيزيكا پاندەرىنە ارنالعان سىنىپتار مەن زەرتحانالاردا زەررتتەۋ جۇمىستارىنا ارنالعان قۇرالدار ورناتىلعان. سونداي-اق، ينتەراكتيۆتى تاقتا جانە كومپيۋتەر سىنىبىمەن جابدىقتالعان مەكتەپتىڭ قۇرىلىسىنا 240 ملن تەڭگەگە جۋىق قاراجات جۇمسالعان.

ءۇشبۇلاق اۋدانىنىڭ تۇرعىندارىن مەرەكەسىمەن قۇتتىقتاعان شقو اكىمىنىڭ ءبىرىنشى ورىنباسارى نۇرىمبەت ساقتاعانوۆ مەكتەپ ۇجىمىنا تىلەگىن ءبىلدىردى.

ايتا كەتسەك، تاۋەلسىزدىك جىلدارىندا شىعىس قازاقستاندا 170 ءبىلىم، سونىڭ ىشىندە 138 مەكتەپ پەن 32 بالاباقشا مەكەمەلەرى اشىلعان.


ۇسىنىلعان
سوڭعى جاڭالىقتار