الماتى وبلىسىندا ەكٸ جەكەمەنشٸك ستوماتولوگييالىق كلينيكانىڭ باسشىسى مٸندەتتٸ ەلەۋمەتتٸك مەديتسينالىق ساقتاندىرۋ قورىنان 65,9 ملن تەڭگەنٸ زاڭسىز العانى انىقتالدى, دەپ حابارلايدى dalanews.kz.
تەكسەرۋ بارىسىندا كلينيكا باسشىلارى پاتسيەنتتەردٸڭ جەكە مەلٸمەتتەرٸن رۇقساتسىز پايدالانىپ, مەديتسينالىق اقپاراتتىق جٷيەگە جالعان دەرەكتەر ەنگٸزگەنٸ بەلگٸلٸ بولدى. قۇجاتتاردا تۋا بٸتكەن پاتولوگيياسى بار بالالارعا ورتودونتييالىق كٶمەك كٶرسەتٸلدٸ دەپ جازىلعان. الايدا ٸس جٷزٸندە مۇنداي قىزمەتتەر كٶرسەتٸلمەگەن.
جالعان مەلٸمەتتەر نەگٸزٸندە مەديتسينالىق ساقتاندىرۋ قورىنىڭ قاراجاتىنان ستوماتولوگييالىق كلينيكالارعا زاڭسىز تٶلەم جاسالعان. مەملەكەتكە كەلتٸرٸلگەن شىعىن كٶلەمٸ 65,9 ملن تەڭگەنٸ قۇرادى.
پروكۋراتۋرانىڭ تەكسەرۋ ماتەريالدارى بويىنشا قىلمىستىق كودەكستٸڭ 190-بابى 4-بٶلٸگٸنٸڭ 2-تارماعىمەن, ياعني اسا ٸرٸ مٶلشەردەگٸ الاياقتىق دەرەگٸ بويىنشا قىلمىستىق ٸس تٸركەلدٸ.
سوت ٷكٸمٸمەن كٸنەلٸ تۇلعا جاۋاپقا تارتىلدى. مەملەكەتكە كەلتٸرٸلگەن زالال تولىق ٶتەلگەن.
