Almaty oblysynda eki jekemenshik stomatologiialyq klinikanyń basshysy mindetti áleýmettik meditsinalyq saqtandyrý qorynan 65,9 mln teńgeni zańsyz alǵany anyqtaldy, dep habarlaidy dalanews.kz.
Tekserý barysynda klinika basshylary patsientterdiń jeke málimetterin ruqsatsyz paidalanyp, meditsinalyq aqparattyq júiege jalǵan derekter engizgeni belgili boldy. Qujattarda týa bitken patologiiasy bar balalarǵa ortodontiialyq kómek kórsetildi dep jazylǵan. Alaida is júzinde mundai qyzmetter kórsetilmegen.
Jalǵan málimetter negizinde Meditsinalyq saqtandyrý qorynyń qarajatynan stomatologiialyq klinikalarǵa zańsyz tólem jasalǵan. Memleketke keltirilgen shyǵyn kólemi 65,9 mln teńgeni qurady.
Prokýratýranyń tekserý materialdary boiynsha Qylmystyq kodekstiń 190-baby 4-bóliginiń 2-tarmaǵymen, iaǵni asa iri mólsherdegi alaiaqtyq deregi boiynsha qylmystyq is tirkeldi.
Sot úkimimen kináli tulǵa jaýapqa tartyldy. Memleketke keltirilgen zalal tolyq ótelgen.
