قازاقستاندىق 20 ازامات گۋانچجوۋ مەن قۇلجا قالالارىندا بولىپ قايتقان. ولار پانفيلوۆ اۋدانىندا ورنالاسقان «نۇر جولى» پۋنكتىنەن شەكارادان ءوتىپتى.
تەپلوۆيزورمەن تەكسەرگەندە ەكى ازاماتتىڭ دەنە قىزۋى كوتەرىلىپ تۇرعانى انىقتالعان.
– ولار دەرەۋ باسقا ازاماتتاردان وقشاۋلانىپ، پانفيلوۆ اۋدانى اۋرۋحاناسىنىڭ ينفەكسيالىق ءبولىمىنىڭ ارنايى بوكسىنا جاتىقىزىلعان. ءقازىر دارىگەرلەر ساراپتامالىق جۇمىستار جۇرگىزۋدە. بۇعان قوسا اۆتوبۋستا بولعان تاعى 19 ادام باقىلاۋعا الىنىپ، ولار داگوسپيتالعا جاتقىزىلدى، – دەلىنگەن رەسمي حابارلامادا.
بۇعان دەيىن سىرتقى ىستەر ءمينيسترىنىڭ ورىنباسارى قازاقستان قىتايمەن شەكارانى جابا المايتىندىعى تۋرالى مالىمدەگەن ەدى. سوزىنشە، قىتايدا 1300 قازاقستاندىق ازامات ءجۇر ەكەن.
