ءماجىلىس دەپۋتاتى داۋلەت مۇقايەۆقا كوللەدج وقىتۋشىلارى جۇگىنگەن. ولاردىڭ سوزىنشە، بەلگىلى توپتىڭ كونسەرتىنە ءماجبۇرلى تۇردە بيلەت ساتىپ الىپ جاتىر،- دەپ حابارلايدى Dalanews.kz.
بۇل تۋرالى دەپۋتات الەۋمەتتىك جەلىدە جازدى.
"وسىنداي مازمۇنداعى حاتتار ءجيى كەلىپ جاتادى. مۇعالىمدەردى كونسەرتكە بيلەت الۋعا ماجبۇرلەۋ – زاڭسىز! ءبىلىم سالاسىنىڭ قىزمەتكەرلەرىنەن، اتاپ ايتقاندا كوللەدج، مەكتەپ مۇعالىمدەرىنەن “الاتاۋ سەرىلەرىنىڭ” كونسەرتىنە 5000 تەڭگەدەن بيلەت الۋدى تالاپ ەتىپ جاتىر دەگەن بىرنەشە حات كەلۋدە.
بۇل – ورەسكەل زاڭبۇزۋشىلىق! ەشكىمدى ەركىنە قارسى قانداي دا ءبىر شاراعا قاتىسۋعا نەمەسە بيلەت ساتىپ الۋعا ماجبۇرلەۋگە بولمايدى. ق ر ەڭبەك كودەكسىنە جانە "سىبايلاس جەمقورلىققا قارسى ءىس-قيمىل تۋرالى" زاڭعا سايكەس، مۇنداي ماجبۇرلەۋ – قىزمەتتىك وكىلەتتىلىكتى اسىرا پايدالانۋ"، - دەدى دەپۋتات.
دەپۋتاتتىڭ سوزىنشە، ءمۇعالىم – ءبىلىم بەرۋشى، ساتىلاتىن كورەرمەن ەمەس.
"ەگەر ءسىز وسىنداي قىسىمعا تاپ بولساڭىز ءتيىستى ورگانعا شاعىم ءتۇسىرىڭىز. ءوز قۇقىعىڭىزدى ءبىلىڭىز جانە قورعاڭىز. ۇجىمدا مۇنداي ارەكەتكە قارسى پىكىر بىلدىرۋدەن قورىقپاڭىزدار!!! مۇعالىمدەردىڭ بەدەلى كونسەرتتىڭ كورەرمەن سانىمەن ولشەنبەيدى!
رەسپۋبليكا سارايىنا ادام تولماي جاتسا، مۇعالىمدەردىڭ نە جازىعى بار؟! شاعىن ساحنالاردا دا كونسەرت بەرۋگە بولادى-مىس. كورەسىزدەر، مىنا پوستتان كەيىن ءماجبۇرلى بيلەت الدىرۋعا قاتىستى ءبىلىم ءبولىمى دە،انشىلەر دە ەشتەڭە بىلمەي شىعادى"، - دەدى مۇقايەۆ.
