بارلىق جاڭارتىلاتىن ەنەرگيا كوزدەرىنىڭ ىشىندە ەڭ كەلەشەگى بار باعىتتاردىڭ ءبىرى الەمدىك ەنەرگەتيكانىڭ ءىرى سەكتورى بولىپ تابىلاتىن كۇن ەنەرگەتيكاسى بولدى. ساراپشىلاردىڭ پىكىرىنشە، 2022 جىلى كۇن گەنەراسيالاۋ قوندىرعىلارى الەمدەگى بارلىق بالامالى ەنەرگيا كوزدەرىنىڭ 60% نەمەسە 190 گۆت قۇرايدى (2021 جىلعا قاراي +25%).
قازاقستاندا كۇن ەنەرگياسىن پايدالانۋ ۇلەسى دە تۇراقتى ءوسۋدى كورسەتەدى. جىلىنا 3000 ساعاتقا دەيىن كۇن ساۋلەسى تۇسەتىن قولايلى كليماتتىق جانە اۋا-رايى جاعدايلارى گەليوەنەرگەتيكانىڭ بارلىق ارتىقشىلىقتارىن تولىق پايدالانۋعا مۇمكىندىك بەرەدى. كۇن ەنەرگياسىن پايدالانۋدىڭ بارلىق ارتىقشىلىقتارى ەنەرگەتيكالىق رەسۋرستىڭ قولجەتىمدىلىگى، شەكسىز پايدالانۋ مۇمكىندىگى، تاريفتەردىڭ وسۋىنەن تاۋەلسىزدىك جانە سەنىمدىلىكپەن شەكتەلمەيدى.
بۇگىنگى تاڭدا كۇن ەنەرگياسىنا كوشۋ مۇمكىندىكتەرى تەك ءىرى كورپوراسيالارعا عانا ەمەس، جالپى جۇرتشىلىققا دا قولجەتىمدى بولىپ وتىر. مىسالى، Huawei Technologies Kazakhstan جانە Helio Solar كومپانيالارىنىڭ ينتەگراسياسى جەكە قاجەتتىلىكتەر مەن ەرەكشەلىكتەردى ەسكەرە وتىرىپ، وندىرىستىك، ونەركاسىپتىك، كوممەرسيالىق وبەكتىلەردە دە، تۇرعىن ۇيلەردە دە كۇن ەلەكتر ستانسيالارىن ورناتۋعا مۇمكىندىك بەرەدى.
كومپانيالاردىڭ العاشقى بىرلەسكەن جوبالارىنىڭ ءبىرى وسكەمەن قالاسىندا Huawei Technologies Kazakhstan كومپانياسىنىڭ جەر ۇيگە كۇن ەنەرگياسىن جيناقتاۋ جۇيەسىن ورناتۋى بولدى. "جاسىل" ەنەرگياعا كوشۋ ەلەكتر ەنەرگياسىنىڭ ساپاسىن جانە ونىڭ تۇراقتىلىعىن ارتتىرۋعا، سونداي-اق سىرتقى اجىراتۋلار مەن كەرنەۋدىڭ كوتەرىلۋ مۇمكىندىكتەرىن تەڭەستىرۋگە مۇمكىندىك بەردى. باسقا ماڭىزدى ارتىقشىلىقتارى ەكولوگيانى قولداۋ ءۇشىن ءوز ۇلەستەرىن قوسۋ جانە ەكونوميكالىق پايدا بولىپ وتىر — كۇن ەنەرگياسىن تۇرلەندىرگىشتەردىڭ وتەلۋى 25 جىلعا دەيىنگى جۇمىس ۋاقىتىمەن ورتاشا ەسەپپەن 5 جىلعا سوزىلادى.
"جاڭارتىلاتىن ەنەرگيا كوزدەرى جانە ەڭ الدىمەن كۇن ەنەرگەتيكاسى قازاقستانداعى بالامالى ەنەرگيا كوزدەرىنىڭ قارقىندى ءوسىپ كەلە جاتقان باعىتتارىنىڭ ءبىرى بولىپ تابىلادى. بۇگىندە ءومىردىڭ ءتۇرلى سەكتورلارىندا "جاسىل" ەنەرگەتيكا تەحنولوگيالارىن ەنگىزۋ ءۇشىن بارىنشا قولايلى جاعدايلار جاسالۋدا. Huawei Technologies Kazakhstan جانە Helio Solar كومپانيالارىنىڭ ىنتىماقتاستىعى تۇتىنۋشىنىڭ بارلىق قاجەتتىلىكتەرىن قامتيدى. ول Huawei كومپانياسىنان ەنەرگيا تۇرلەندىرگىشتەرى جانە ەنەرگيانى ساقتاۋ جۇيەلەرى سياقتى جابدىقتاردى الادى. Helio Solar-دان جوبالاۋ، ورناتۋ، ءار كەزەڭدە كەڭەس بەرۋ سياقتى جوعارى ساپالى قىزمەت الادى. Huawei Technologies Kazakhstan ساراپشىسىنىڭ ايتۋىنشا "مۇنداي ويلاستىرىلعان كووپەراسيا ەنەرگيامەن قامتاماسىز ەتۋدىڭ زاماناۋي جۇيەلەرى تۋرالى بارلىق تۇسىنىكتەردى ساپالى وزگەرتۋگە مۇمكىندىك بەرەدى".
قازاقستاندا كۇن ەنەرگياسىن پايدالانۋ ەلىمىزدىڭ كەڭ اۋماعىنا بايلانىستى ەڭ ورىندى تاسىلدەردىڭ ءبىرى بولىپ تابىلادى. كۇن باتارەيالارىندا اۆتونومدى جۇيەنى ورناتۋ قاشىقتىققا نەمەسە جاقىن ماڭداعى جەلىلەردىڭ قۋاتىنىڭ بولماۋىنا بايلانىستى ورتاق ەلەكتر جەلىسىنە قوسىلماعان وبەكتىلەردىڭ بارلىق قاجەتتىلىكتەرىن جابۋعا مۇمكىندىك بەرەدى. بۇل ارتىقشىلىق ەلەكتر قۋاتىن سيرەك نەمەسە از تۇتىنۋ كەزىندە دە وتە قاجەت.
ساياجايدا دەمالۋ نەمەسە قاشىقتاعى كەزەكشى پوستتا جۇمىس ىستەۋ جاعدايىندا كۇن ەنەرگياسىن پايدالانۋ قاجەتتى تەحنيكالىق ىڭعايلىلىقتى قامتاماسىز ەتۋ ءۇشىن تاماشا شەشىم بولادى. كۇن پانەلدەرىنە تەحنيكالىق قىزمەت كورسەتۋ ءجيى جۇرگىزۋ قاجەت ەمەس. جابدىقتىڭ دەربەستىگى، اۋا-رايىنان قورعالۋى جانە قاشىقتىقتان دياگنوستيكالاۋ مۇمكىندىگى كۇن ەنەرگياسىن ساقتاۋ جۇيەلەرىن ءقاۋىپسىز پايدالانۋعا مۇمكىندىك بەرەدى.
"تەك جوعارى ساپانى تاڭدايتىن كومپانيا رەتىندە ءبىز ءدال سونداي كوزقاراستاعى سەرىكتەستەردى باعالايمىز. Huawei Technologies Kazakhstan كومپانياسىمەن ءتورت جىلدان استام ۋاقىت جۇمىس ىستەپ كەلەمىز. ونىڭ دالەلدەنگەن كەپىلدىكتەرى، باعا / ساپا قاتىناسى، جابدىقتىڭ ەستەتيكاسى جانە قالىپتاسقان اتاۋى جوعارى جۇمىس ستاندارتتارىن بەلگىلەيدى. Huawei ونىمدەرىنىڭ 10 جىلعا كەپىلدىگى بار، تەحنيكالىق قىزمەت ەتۋ مەرزىمى 15 جىل جانە ودان جوعارى، ال ونىڭ جانىندا ادەتتەگى گەلدىك اككۋمۋلياتورلاردا ءبىر جىل عانا كەپىلدىك بار"، - دەپ اتاپ ءوتتى Helio Solar كومپانياسىنىڭ سەو ماقپال اقپايەۆا.
ءابسوليۋتتى ەنەرگياعا تاۋەلدىلىك، قورشاعان ورتاعا زيانسىزدىق جانە بۇكىل پايدالانۋ كەزەڭىندە مينيمالدى تەحنيكالىق قىزمەت كورسەتۋ تۇجىرىمداماسى كۇن پانەلدەرىنە نەگىزدەلگەن ەلەكترمەن جابدىقتاۋ جۇيەلەرىنە ەرەكشە نازار اۋدارتادى. بۇگىنگى تاڭدا اقش، گەرمانيا، ۇلىبريتانيا جانە كانادا الداعى 15 جىل ىشىندە ءوز جەلىلەرىن تولىعىمەن تازا ەلەكتر قۋاتىنا اۋىستىرۋدى جوسپارلاپ وتىر. بالامالى ەنەرگيا كوزدەرىن پايدالانۋ ەنەرگيانىڭ نولدىك شىعارىندىلارىنا قول جەتكىزۋ جانە تابيعي تەپە-تەڭدىكتى ساقتاۋ ءۇشىن وتە ماڭىزدى. مىسالى، 2013 جىلدان باستاپ Huawei Technologies كۇن ەلەكتر ستانسيالارى 180 ملرد كۆت·ساع ەلەكتر ەنەرگياسىن ءوندىردى. بۇل كولەم پارنيكتىك گازدار شىعارىندىلارىن جىلىنا 108 ميلليون تونناعا قىسقارتۋعا نەمەسە 200 ميلليون اعاش وتىرعىزۋعا تەڭ.
كۇن ەنەرگياسىن پايدالانۋ اۋقىمى، ونىڭ جاڭارتىلۋى مەن ەنەرگەتيكالىق قاۋىپسىزدىگىنەن باسقا، ءداستۇرلى ادىستەردەن ەش ايىرماشىلىعى جوق. گەليوەنەرگەتيكانى جىلۋ الۋ، ءۇي-جايلاردى جىلىتۋ جانە/نەمەسە ىستىق سۋ ءوندىرۋ ءۇشىن دە پايدالانۋعا بولادى. قازىرگى زامانعى جەلىلىك كۇن ەلەكتر ستانسيالارى قيىندىقسىز ورناتىلادى، باقىلاۋ جانە باسقارۋ جۇيەسىنە وڭاي قوسىلادى، جەلىمەن سينحروندالادى جانە ونىڭ وڭتايلى جۇمىس ىستەۋىن قولدايدى.
