كولۋمبييادا بولعان كٷشتٸ جەر سٸلكٸنٸسٸنەن قازا تاپقاندار سانى 169 ادامعا دەيٸن ٶستٸ. تاعى 570-تەن استام ادام تٷرلٸ دەڭگەيدە جاراقات العان, دەپ حابارلايدى dalanews.kz.
بۇل تۋرالى كولۋمبييا قالالارى قاۋىمداستىعى مەلٸمدەدٸ.
تابيعي اپاتقا بايلانىستى ەلدە تٶتەنشە جاعداي رەجيمٸ ەنگٸزٸلدٸ. قازٸرگٸ ۋاقىتتا قۇتقارۋ قىزمەتتەرٸ قيراعان عيماراتتاردىڭ ٷيٸندٸلەرٸن ارشۋ جۇمىستارىن جالعاستىرىپ جاتىر. ولاردىڭ قاتارىندا كالي قالاسىنداعى اۋرۋحانانىڭ پەدياترييا جەنە نەوناتولوگييا بٶلٸمشەلەرٸ دە بار.
جەرگٸلٸكتٸ بيلٸك پەن تٶتەنشە جاعداي قىزمەتتەرٸ ٷيٸندٸ استىندا ادامدار قالۋى مٷمكٸن ەكەنٸن جوققا شىعارمايدى. سوندىقتان ٸزدەستٸرۋ-قۇتقارۋ جۇمىستارى تەۋلٸك بويى جٷرگٸزٸلۋدە.
باق مەلٸمەتٸنشە, ەگەر جەر سٸلكٸنٸسٸ حالىق تىعىز ورنالاسقان ٶڭٸردە بولعاندا, قۇرباندار سانى ەلدەقايدا كٶپ بولۋى مٷمكٸن ەدٸ. الايدا تابيعي اپات ەلدٸڭ سالىستىرمالى تٷردە سيرەك قونىستانعان اۋدانىندا تٸركەلگەندٸكتەن, ادام شىعىنى بۇدان دا اۋىر بولۋدان امان قالعان.
ايتا كەتەيٸك, كولۋمبييانىڭ تىنىق مۇحيتى جاعالاۋىندا بولعان جويقىن جەر سٸلكٸنٸسٸ ونداعان عيماراتتىڭ قيراۋىنا جەنە ينفراقۇرىلىم نىساندارىنىڭ زاقىمدانۋىنا ەكەلدٸ. بيلٸك زارداپ شەككەن ايماقتاردا تٶتەنشە جاعداي رەجيمٸن ساقتاپ وتىر.
