Kolýmbiiada bolǵan kúshti jer silkinisinen qaza tapqandar sany 169 adamǵa deiin ósti. Taǵy 570-ten astam adam túrli deńgeide jaraqat alǵan, dep habarlaidy dalanews.kz.
Bul týraly Kolýmbiia qalalary qaýymdastyǵy málimdedi.
Tabiǵi apatqa bailanysty elde tótenshe jaǵdai rejimi engizildi. Qazirgi ýaqytta qutqarý qyzmetteri qiraǵan ǵimarattardyń úiindilerin arshý jumystaryn jalǵastyryp jatyr. Olardyń qatarynda Kali qalasyndaǵy aýrýhananyń pediatriia jáne neonatologiia bólimsheleri de bar.
Jergilikti bilik pen tótenshe jaǵdai qyzmetteri úiindi astynda adamdar qalýy múmkin ekenin joqqa shyǵarmaidy. Sondyqtan izdestirý-qutqarý jumystary táýlik boiy júrgizilýde.
BAQ málimetinshe, eger jer silkinisi halyq tyǵyz ornalasqan óńirde bolǵanda, qurbandar sany áldeqaida kóp bolýy múmkin edi. Alaida tabiǵi apat eldiń salystyrmaly túrde sirek qonystanǵan aýdanynda tirkelgendikten, adam shyǵyny budan da aýyr bolýdan aman qalǵan.
Aita keteiik, Kolýmbiianyń Tynyq muhity jaǵalaýynda bolǵan joiqyn jer silkinisi ondaǵan ǵimarattyń qiraýyna jáne infraqurylym nysandarynyń zaqymdanýyna ákeldi. Bilik zardap shekken aimaqtarda tótenshe jaǵdai rejimin saqtap otyr.
