قازاقستاندا 25 تامىزدان باستاپ جٷرگٸزۋشٸلەرگە قاتىستى جاڭا تالاپتار قولدانىسقا ەنگٸزٸلەدٸ. ٶزگەرٸس 65 جاستان اسقان ازاماتتارعا, مٷگەدەكتٸگٸ بار جٷرگٸزۋشٸلەرگە جەنە ماس كٷيدە كٶلٸك جٷرگٸزۋگە بايلانىستى قىلمىستىق ٸسٸ بەلگٸلٸ بٸر نەگٸزدەرمەن توقتاتىلعان ادامدارعا قاتىستى بولادى, دەپ حابارلايدى dalanews.kz.
جاڭا تەرتٸپكە سەيكەس, 65 جاستان اسقان جەنە مٷگەدەكتٸگٸ بار ازاماتتار بەلگٸلەنگەن مەرزٸمدە مەديتسينالىق تەكسەرۋدەن ٶتۋگە تيٸس. ولاردىڭ كٶلٸك باسقارۋعا جارامدى ەكەنٸ تۋرالى دەرٸگەرلٸك قورىتىندى جول قوزعالىسى سالاسىنداعى تسيفرلىق جٷيەدە تٸركەلۋٸ قاجەت.
ەگەر اقپاراتتىق جٷيەدە جٷرگٸزۋشٸنٸڭ دەنساۋلىق جاعدايىنا قاتىستى قورىتىندى بولماسا, ونىڭ كٶلٸك جٷرگٸزۋ قۇقىعى ۋاقىتشا توقتاتىلۋى ىقتيمال. قۇقىق مەديتسينالىق مەلٸمەتتەر جٷيەگە ەنگٸزٸلگەننەن كەيٸن قايتا قالپىنا كەلتٸرٸلەدٸ.
جاڭا تالاپتار ماس كٷيٸندە كٶلٸك باسقارۋعا قاتىستى قىلمىستىق ٸسٸ ايىپتاۋ ٷكٸمٸنسٸز توقتاتىلعان ازاماتتاردى دا قامتيدى. مۇنداي جاعدايدا جٷرگٸزۋشٸ كۋەلٸگٸن ساقتاۋ مٷمكٸن بولمايدى.
كٶلٸك باسقارۋ قۇقىعىن توقتاتۋ تۋرالى شەشٸم زاڭدى كٷشٸنە ەنگەن قاۋلى نەگٸزٸندە قابىلدانادى. ول ٷشٸن سوتتىڭ قوسىمشا شەشٸمٸ قاجەت ەمەس.
ماس كٷيٸندە كٶلٸك جٷرگٸزۋگە بايلانىستى قۇقىعىنان ايىرىلعان ازامات كٶلٸك تٸزگٸنٸنە سەگٸز جىلدان كەيٸن عانا قايتا وتىرا الادى. ول مەديتسينالىق تەكسەرۋدەن ٶتٸپ, جول قوزعالىسى ەرەجەلەرٸ بويىنشا تەورييالىق ەمتيحان تاپسىرۋعا مٸندەتتٸ.
وسىلايشا, جاڭا تەرتٸپ جٷرگٸزۋشٸلەردٸڭ دەنساۋلىق جاعدايىن باقىلاۋدى كٷشەيتٸپ, ماس كٷيٸندە كٶلٸك باسقارعان ازاماتتارعا قويىلاتىن تالاپتاردى قاتاڭداتادى.
