بٷگٸنگٸ تسيفرلى زاماندا بالالاردىڭ بوس ۋاقىتىن تەلەفون, پلانشەت, تەلەديدار سيياقتى قۇرالدار الىپ قويعانى جاسىرىن ەمەس. الايدا كٸتاپ – بالانىڭ وي-ٶرٸسٸن كەڭەيتٸپ, تٸل بايلىعىن ارتتىراتىن, ٶمٸرگە دەگەن كٶزقاراسىن قالىپتاستىراتىن ەڭ باستى قۇرال. سوندىقتان اتا-انا مەن مۇعالٸمنٸڭ مٸندەتٸ – بالانىڭ كٸتاپ وقۋعا دەگەن قىزىعۋشىلىعىن ەرتە جاستان قالىپتاستىرۋ, دەپ حابارلايدى Dalanews.kz.
كٸتاپ وقۋ ارقىلى بالا سٶزدٸك قورىن بايىتادى, لوگيكالىق ويلاۋ قابٸلەتٸ داميدى, شىعارماشىلىقپەن ويلاۋعا بەيٸمدەلەدٸ, ەدەبي تٸلدٸ مەڭگەرەدٸ جەنە ەموتسييالىق ينتەللەكتٸسٸ قالىپتاسادى.
جاقسى كٸتاپ – بالانىڭ ٸشكٸ جان دٷنيەسٸن تەربيەلەيدٸ, دۇرىس شەشٸم قابىلداۋعا ٷيرەتەدٸ, ٶزگەلەردٸڭ جاعدايىنا تٷسٸنە بٸلەتٸن تۇلعا رەتٸندە قالىپتاستىرادى.
قىزىعۋشىلىقتى قالاي وياتۋعا بولادى?
1. ٷلگٸ بولىڭىز
بالا ەڭ الدىمەن اتا-انانىڭ ٸس-ەرەكەتٸنە قارايدى. ەگەر سٸز ٷنەمٸ كٸتاپ وقىپ وتىرساڭىز, بالا ونى ەرتە مە, كەش پە قايتالايدى. كەشكٸ ۋاقىتتا 10-15 مينۋتتى بٸرگە كٸتاپ وقۋعا ارناڭىز.
2. بالانىڭ جاسىنا ساي كٸتاپ تاڭداڭىز
كەيدە بالالار كٸتاپتى قىزىقسىز دەپ سانايدى. سەبەبٸ ول كٸتاپ ونىڭ جاسىنا نەمەسە قىزىعۋشىلىعىنا سەيكەس كەلمەيدٸ. 5-7 جاستاعى بالاعا قىسقا, سۋرەتتٸ ەرتەگٸلەر, ال باستاۋىش سىنىپ وقۋشىسىنا تانىمدىق ەڭگٸمەلەر, قىزىقتى وقيعالارعا تولى كٸتاپتار ۇنايدى.
3. بٸرگە تالقىلاڭىز
وقىعان كٸتاپ بويىنشا سۇراق قويىپ, وي بٶلٸسٸڭٸز. «ساعان قاي كەيٸپكەر ۇنادى? نەلٸكتەن? ەگەر سەن ونىڭ ورنىندا بولساڭ, نە ٸستەر ەدٸڭ?» دەگەن سۇراقتار بالانىڭ سىني ويلاۋىن دامىتادى.
4. كٸتاپتى قولجەتٸمدٸ ەتۋ
ٷيدە بالانىڭ ٶز بۇرىشى بولسىن. سول جەردە ونىڭ كٸتاپتارى جيناۋلى تۇرسا, ول بوس ۋاقىتىندا ٶزٸ-اق وقۋعا دەن قويادى. سونداي-اق, كٸتاپحاناعا بٸرگە بارىپ تۇرۋ دا قىزىعۋشىلىقتى ارتتىرادى.
مەكتەپ كٸتاپحانالارى – جاڭا دامۋ ساتىسىندا
سوڭعى جىلدارى بالالاردىڭ كٸتاپقا قىزىعۋشىلىعىن وياتۋعا باعىتتالعان جٷيەلٸ جۇمىستار مەكتەپتەر دەڭگەيٸندە دە قولعا الىندى. 2023 جىلدان بەرٸ ٸسكە اسىپ جاتقان «بالالار كٸتاپحاناسى» جوباسى اياسىندا مەكتەپ كٸتاپحانالارىنىڭ قورى 1,6 ميلليون دانا كٶركەم ەدەبيەتپەن تولىقتى. بٷگٸندە ەلٸمٸز بويىنشا جالپى كٸتاپ قورى 141 ميلليون دانادان اسىپ وتىر.
وسى كٸتاپتارعا قولجەتٸمدٸلٸكتٸ جەڭٸلدەتۋ ٷشٸن RFID تەحنولوگيياسى ەنگٸزٸلۋدە. بۇل جٷيە كٸتاپتاردى اۆتوماتتى تٷردە ەسەپكە الىپ, وقىرمان ٸزدەگەن كٸتاپتى جەدەل تابۋعا مٷمكٸندٸك بەرەدٸ. سونىمەن قاتار, 20-دان استام كٸتاپحانادا سكانەرلەۋشٸ روبوتتار جۇمىس ٸستەي باستادى. مۇنداي زاماناۋي ەدٸستەر بالالار ٷشٸن كٸتاپحانا كەڭٸستٸگٸن تارتىمدى, ىڭعايلى ەرٸ قىزىقتى ەتەدٸ.
كٸتاپحاناشىلاردىڭ بٸلٸكتٸلٸگٸ دە نازاردان تىس قالماۋدا. 2024 جىلدىڭ ٶزٸندە 1 775 مەكتەپ كٸتاپحاناشىسى ارنايى كۋرستاردان ٶتتٸ, بۇل جۇمىس 2025 جىلى دا جالعاسىن تابادى. بۇل – مەكتەپ كٸتاپحانالارىن بالالار ٷشٸن تەك كٸتاپ سٶرەلەرٸ ەمەس, شىنايى بٸلٸم مەن قارىم-قاتىناس ورتالىعىنا اينالدىرۋ جولىنداعى ماڭىزدى قادام.
بالا كٸتاپقا دوستاي قاراسا, ول ٶمٸر بويى ٶزٸن دامىتۋعا ۇمتىلادى. ال مەكتەپ پەن وتباسى بٸرلەسە وتىرىپ, وعان دۇرىس باعىت بەرسە – كٸتاپ تەك وقۋ قۇرالى ەمەس, بالا ٶمٸرٸندەگٸ سەنٸمدٸ سەرٸگٸنە اينالادى. كٸتاپحانا مەن كٸتاپقا دەگەن سٷيٸسپەنشٸلٸك – تەك بالانىڭ ەمەس, تۇتاس ۇلتتىڭ بولاشاعىنا جاسالعان ينۆەستيتسييا.
