الماتى وبلىسىنىڭ كيەلٸ كەگەن توپىراعىندا مەكتەپ وقۋشىلارى اراسىندا دەستٷرلٸ ەنشٸلەر مەن كٷيشٸلەردٸڭ «تەڭٸرتاۋ تالانتتارى» اتتى ايماقتىق بايقاۋى جوعارى دەڭگەيدە ٶتتٸ. حانتەڭٸرٸ باۋرايىن ەن مەن كٷيگە بٶلەگەن بۇل شارا پرەزيدەنت ق.ك. توقاەۆتىڭ ايماقتاردى رۋحاني قۋاتتاندىرۋ جەنە ازاماتتىق بەلسەندٸلٸكتٸ ارتتىرۋ تۋرالى باستاماسى اياسىندا ۇيىمداستىرىلدى, دەپ حابارلايدى dalanews.kz.
بايقاۋدىڭ نەگٸزگٸ ماقساتى - جەتٸسۋ ەنشٸلٸك جەنە كٷيشٸلٸك مەكتەبٸنٸڭ ٸرٸ ٶكٸلدەرٸ, ٶمٸردەن ەرتە كەتكەن ٶنەر ساڭلاقتارىنىڭ رۋحىن ۇلىقتاۋ. اتاپ ايتقاندا, قر مەدەنيەت قايراتكەرلەرٸ جاقسىلىق مىرقاەۆ پەن ەرلان ستامعازيەۆ, ٶنەرتانۋشى-زەرتتەۋشٸ بازارالى مٷپتەكەەۆ جەنە حالىقارالىق لاۋرەات, فولكلورتانۋشى عالىمجان دوسانۇلىنىڭ ەسٸمدەرٸ مەن مۇرالارى جاس ۇرپاققا كەڭٸنەن ناسيحاتتالدى.
بايقاۋدىڭ قازىلار القاسىنا تٶراعالىق ەتكەن قر حالىق ەرتٸسٸ رامازان ستامعازيەۆ شارانىڭ ماڭىزىنا توقتالىپ:
«بٷگٸن الاتاۋدىڭ ەتەگٸ, حان تەڭٸرٸنٸڭ باۋرايىندا, كەگەن اۋدانىندا, الماتى وبلىسىنىڭ بارلىق اۋداندارىندا جاسٶسپٸرٸمدەردٸڭ ٷلكەن بايقاۋىن كەگەن اۋدانىنىڭ ورتالىعىنا «تەڭٸرتاۋ تالانتتارى» اتتى بايقاۋعا جينادىق.
باس-اياعى 45-كە جۋىق ٶنەرپازدار كەلدٸ: ەنشٸلەر, كٷيشٸلەر. ەرقايسىسى سوناۋ كٶنەدەن كەلە جاتقان حالىق كٷيلەرٸن, حالىق ەندەرٸن, حالىق كومپوزيتورلارىنىڭ, كەيٸنگٸ زامان كومپوزيتورلارىنىڭ كٶپتەگەن ەندەرٸ ساحنادا شىرقالدى.
بۇل كونكۋرستىڭ نەگٸزگٸ باعىتى - جاستارعا جول اشۋ, جالپى ٷلكەن ٶنەرگە قاراي تارتۋ. سونىمەن بٸرگە, بٸزدٸڭ ٶزٸمنٸڭ جان دوسىم عالىمجان دوسانوۆ جەنە ٶزٸمنٸڭ تۋعان ٸنٸم ەرلان ستامعازيەۆتٸڭ ٶمٸردەن ٶتكەنٸنە, سولاردى ەسكە الا جٷرۋٸنە ارنالعان بٸر رۋحتىق بايقاۋ بولاتىن.
ەندٸ قاراسام, قازٸر وبلىس كٶلەمٸندە بۇل بايقاۋ ۇلعايدى. سول باۋىرلارىمىزدىڭ ٶكشەسٸن باسقان جاستاردى كٶرٸپ قۋانام. ەل امان بولسىن! بەسٸگٸندە ەن مەن جىرعا تەربەلگەن جاستارىمىزدىڭ قاتارى كٶبەيگەنٸنە قۋانام.», - دەپ اتاپ ٶتتٸ.
ٶنەر دوداسىنا الماتى وبلىسىنىڭ كەگەن, رايىمبەك, ۇيعىر, ەڭبەكشٸقازاق جەنە جەتٸسۋ وبلىسى, پانفيلوۆ (جاركەنت) اۋداندارىنان ٸرٸكتەلگەن 45-كە جۋىق دارىندى وقۋشى قاتىستى. ٷمٸتكەرلەر ەكٸ نوميناتسييا بويىنشا باق سىنادى:
- «دەستٷرلٸ ەن»: حالىق ەندەرٸ مەن حالىق كومپوزيتورلارىنىڭ, سونداي-اق زاماناۋي اۆتورلاردىڭ شىعارمالارى شىرقالدى.
- «دەستٷرلٸ كٷي»: جاس كٷيشٸلەر كٶنەدەن جەتكەن كٷي ٶنەرٸنٸڭ ورىنداۋشىلىق شەبەرلٸگٸن پاش ەتتٸ.
بايقاۋ تەك ساحنالىق ٶنەرمەن شەكتەلمەي, ماڭىزدى ەكولوگييالىق-تەربيەلٸك شارامەن جالعاستى. بايقاۋدىڭ ەدٸل قازىلارى مەن ۇيىمداستىرۋشىلارى كەگەن اۋدانىندا جاس كٶشەتتەر ەگٸپ, «تالانتتار اللەياسىنىڭ» نەگٸزٸن قالادى. بۇل سيمۆوليكالىق قادام - تابيعاتتى ايالاۋ مەن ٶنەردٸڭ مەڭگٸلٸك ٶمٸرشەڭدٸگٸن, ٶنەرپازدار مەن كٶشەتتەردٸڭ بٸرگە بوي تٷزەپ, ٶركەن جايۋىن بٸلدٸرەدٸ.
قازىلار القاسىنىڭ شەشٸمٸمەن ەڭ ٷزدٸك دەپ تانىلعان تالانتتار دەستٷرلٸ ٶنەر ساڭلاقتارى اتىنداعى ارنايى سىيلىقتارمەن ماراپاتتالدى:
- ەنشٸلەر ٷشٸن: عالىمجان دوسانۇلى, ەرلان ستامعازيەۆ جەنە مەكەن ەلياسقاروۆ اتىنداعى جٷلدەلەر.
- كٷيشٸلەر ٷشٸن: قوجەكەۇلى راقىش, مۇقان نۇرسادىقوۆ جەنە بازارەلٸ مٷپتەكەەۆ اتىنداعى سىيلىقتار.
ۇيىمداستىرۋشىلار (الماتى وبلىسى بٸلٸم باسقارماسى مەن كەگەن اۋدانى ەكٸمدٸگٸ) بۇل بايقاۋدى جىل سايىنعى دەستٷرگە اينالدىرۋدى كٶزدەپ وتىر. حانتەڭٸرٸ باۋرايىنداعى بۇل رۋحاني قوزعالىس — ۇلتتىق كودتى ساقتاۋدىڭ جەنە جاس ۇرپاقتى وتانسٷيگٸشتٸككە باۋلۋدىڭ ناقتى قۇرالىنا اينالدى.
