Kazakhmys Distribution كەڭگٸر سۋ قويماسىنىڭ گيدروتەحنيكالىق قۇرىلىمدارىن مەملەكەتكە قايتاردى. قولدان قولعا ٶتكٸزٸپ بەرۋ پروتسەسٸ سىيعا تارتۋ شارتىمەن تٸركەلدٸ, دەپ جازادى Dalanews.kz.
مٷلٸكتٸ قايتارۋ ٷشٸن وبلىس پروكۋراتۋراسى سۋ رەسۋرستارى مينيسترٸنٸڭ اتىنا ۇسىنىس ەنگٸزدٸ.
"پروكۋرورلىق قاداعالاۋ اكتٸسٸن ورىنداۋ ماقساتىندا سىيعا تارتۋ شارتى جاسالىپ, وبەكتٸنٸ بەرۋ اكتٸسٸنە قول قويىلدى. ەندٸ ۋەكٸلەتتٸ ورگاندار ولاردى جاڭعىرتۋ جٶنٸندە ودان ەرٸ شارالار قابىلداۋ ماقساتىندا سۋ قويماسى مەن ونىڭ گيدروتەحنيكالىق قۇرىلىستارىنا كٶپ فاكتورلى زەرتتەۋ جۇمىستارىن جٷرگٸزۋ قاجەت", دەلٸنگەن ۇلىتاۋ وبلىسى پروكۋراتۋراسىنىڭ 2025 جىلعى 21 اقپانداعى حابارلاماسىندا.
ۇلىتاۋ وبلىسىنىڭ يگٸلٸكتەرٸنٸڭ بٸرٸ, سونداي-اق ەنەرگەتيكا جەنە يرريگاتسييا سالاسىندا سۋدىڭ باستى رەتتەۋشٸسٸ كەڭگٸر سۋ قويماسى بولىپ تابىلادى.
سۋ قويماسى 1952 جىلى سالىنعان (جالپى كٶلەمٸ - 319 ميلليون شارشى مەتر) جەنە ونىڭ گيدروتەحنيكالىق قۇرىلىستارى ستراتەگييالىق وبەكتٸلەر كاتارىندا, دەمەك مەملەكەت مەنشٸگٸندە بولۋى تيٸس. ٶز كەزٸندە بۇل وبەكتٸلەر قالا قۇراۋشى كەسٸپورىن "Kazakhmys Distribution" جشس بالانسىنا بەرٸلگەن.
بۇل نىساننىڭ مەملەكەت قاراماعانىنا ٶتكەلٸ جاتقانىن سۋ رەسۋرستارى جەنە يرريگاتسييا مينيسترٸ نۇرجان نۇرجٸگٸتوۆ 2024 جىلدىڭ كٷزٸندە ايتقان بولاتىن.
"كەڭگٸر سۋ قويماسى ايماقتاعى سۋدىڭ نەگٸزگٸ كٶزٸ بولىپ تابىلادى. جەرگٸلٸكتٸ تۇرعىندار سۋدىڭ ساپاسىنا, ونىڭ تيٸمسٸز پايدالانىلۋىنا جەنە ەكولوگييالىق مەسەلەلەرگە الاڭداۋشىلىق بٸلدٸرٸپ وتىر. نىسانداعى گيدروتەحنيكالىق قۇرىلىستار اپاتتى جاعدايدا. سۋ قويماسىن مەملەكەت مەنشٸگٸنە قايتارعاننان كەيٸن بٸز قوردالانعان مەسەلەلەردٸ شەشۋ ٷشٸن ەڭ الدىمەن كٶپ فاكتورلى زەرتتەۋ جٷرگٸزەمٸز", – دەدٸ مينيستر ول كەزدە.
