ماڭعىستاۋ وبلىسىنداعى تراگەديياعا بايلانىستى كٷدٸكتٸلەر انىقتالدى, دەپ حابارلايدى dalanews.kz.
بۇل تۋرالى باس پروكۋراتۋرا مەلٸمدەدٸ. وقيعا ورنىندا تەكسەرٸس جٷرگٸزٸلٸپ, 30-دان اسا ەسكەري قىزمەتشٸدەن جاۋاپ الىنعان.
"قىزمەتكە سالعىرت قارادى دەگەن كٷدٸكپەن, سونداي-اق, مەتەورولوگييالىق جاعدايدى ەسكەرە وتىرىپ, جەكە قۇرامنىڭ قاۋٸپسٸزدٸگٸن قامتاماسىز ەتۋ ٷشٸن تيٸستٸ باقىلاۋ مەن قاجەت شارالار قابىلدانۋىن قامتاماسىز ەتپەگەن, قۇتقارۋ جۇمىستارىن تيٸسٸنشە ۇيىمداستىرماعان, سونىڭ سالدارىنان ادامدار قازا تابۋىنا ەكەپ سوققان لاۋازىمدى تۇلعالار انىقتالدى. تەرگەۋ كٷدٸكتٸلەردٸڭ ەرەكەتٸنە تولىق قۇقىقتىق باعا بەرٸپ, ولارعا پروتسەستٸك شارالار قابىلدايدى", - دەدٸ پروكۋراتۋرا ٶكٸلدەرٸ.
ايتا كەتەيٸك, پرەمەر-مينيستردٸڭ ورىنباسارى قانات بوزىمباەۆ باستاعان ٷكٸمەتتٸك كوميسسييا ماڭعىستاۋ وبلىسىندا تٶتەنشە جاعداي بولعان جەردە جۇمىس ٸستەپ جاتىر.
ناقتىلانعان مەلٸمەتكە سەيكەس وقۋ-جاتتىعۋ, جاۋىنگەرلٸك تاپسىرمانى ورىنداۋ كەزٸندە اۋا رايى كٷرت ناشارلاپ, جەل كٷشەيۋٸنە بايلانىستى 17 ادام سۋعا كەتكەن. ونىڭ 12-سٸ قازا تاۋىپ, ٷش ەسكەري قىزمەتشٸ قۇتقارىلدى. قالعان ەكٸ ەسكەري قىزمەتشٸنٸ ٸزدەستٸرۋ جۇمىستارى جالعاسىپ جاتىر.
وسىعان بايلانىستى 25 قىركٷيەك - قازاقستاندا جالپىۇلتتىق ازا تۇتۋ كٷنٸ بولىپ جارييالاندى.
