Mańǵystaý oblysyndaǵy tragediiaǵa bailanysty kúdiktiler anyqtaldy, dep habarlaidy dalanews.kz.
Bul týraly Bas prokýratýra málimdedi. Oqiǵa ornynda tekseris júrgizilip, 30-dan asa áskeri qyzmetshiden jaýap alynǵan.
"Qyzmetke salǵyrt qarady degen kúdikpen, sondai-aq, meteorologiialyq jaǵdaidy eskere otyryp, jeke quramnyń qaýipsizdigin qamtamasyz etý úshin tiisti baqylaý men qajet sharalar qabyldanýyn qamtamasyz etpegen, qutqarý jumystaryn tiisinshe uiymdastyrmaǵan, sonyń saldarynan adamdar qaza tabýyna ákep soqqan laýazymdy tulǵalar anyqtaldy. Tergeý kúdiktilerdiń áreketine tolyq quqyqtyq baǵa berip, olarǵa protsestik sharalar qabyldaidy", - dedi prokýratýra ókilderi.
Aita keteiik, premer-ministrdiń orynbasary Qanat Bozymbaev bastaǵan úkimettik komissiia Mańǵystaý oblysynda tótenshe jaǵdai bolǵan jerde jumys istep jatyr.
Naqtylanǵan málimetke sáikes oqý-jattyǵý, jaýyngerlik tapsyrmany oryndaý kezinde aýa raiy kúrt nasharlap, jel kúsheiýine bailanysty 17 adam sýǵa ketken. Onyń 12-si qaza taýyp, úsh áskeri qyzmetshi qutqaryldy. Qalǵan eki áskeri qyzmetshini izdestirý jumystary jalǵasyp jatyr.
Osyǵan bailanysty 25 qyrkúiek - Qazaqstanda jalpyulttyq aza tutý kúni bolyp jariialandy.
