جۇمىسشى ماماندىعى ەل دامۋىنا تىكەلەي اسەر ەتەتىن ەڭبەك رەسۋرسى ەكەنىن ءقازىر كوپشىلىك جاقسى بىلەدى. كەڭەس زاماندا اۋدان كولەمىندەگى كاسىپتىك ءبىلىم بەرەتىن وقۋ ورىنداردى ءتامامداعان جاستار ومىردەن ءوز جولىن قينالماي تاۋىپ كەتەتىن-دى. وسى جاقسى ءداستۇر ەلىمىز نارىقتىق قيىنشىلىقتاردى باستان كەشكەن جىلدارى ءۇزىلىپ قالعانى جاسىرىن ەمەس. سوڭعى جىلدارى ەلىمىزدەگى كاسىپتىك-تەحنيكالىق ءبىلىمدى دامىتۋعا ەلباسى نۇرسۇلتان نازاربايەۆتىڭ ءوزى قولداۋ كورسەتىپ، بۇل باعىتتا كەڭ اۋقىمدى جۇمىستار قولعا الىندى. بۇگىندە سول جۇمىستار ءوزىنىڭ ناتيجەسىن بەرە باستادى دەسەك، ارتىق ايتقاندىق بولماس ەدى.

ەلىمىزدەگى كاسىپتىك-تەحنيكالىق ءبىلىمنىڭ ءورىسىن كەڭەيتىپ، كەرەگەسىن كەڭەيتۋدە ق ر ءبىلىم جانە عىلىم مينيسترلىگى جانىنان قۇرىلعان «كاسىپقور» حولدينگىنە ۇلكەن مىندەت جۇكتەلگەن. ءقازىر حولدينگ قازاقستانداعى تجكب جۇيەسىن جانداندىرۋدى قامتيتىن ءتورت ستراتەگيالىق باعىت بويىنشا جۇمىس ىستەۋدە. ولار – تجكب ءبىلىم بەرۋ جۇيەسىنىڭ مازمۇنىن جاڭارتۋ، تجكب وقىتۋ ساپاسىن ارتتىرۋ، تجكب تيىمدىلىگى مەن مارتەبەسىن ارتتىرۋ جانە ەكونوميكانىڭ سۇرانىسى مەن يننوۆاسيالىق باعىتتارى بويىنشا جۇمىس ىستەپ جاتقان تجكب بەرۋ ۇيىمدارىن جۇمىسىن جانداندىرۋ بولىپ تابىلادى. ەندىگى كەزەكتە وسى التىن ارقاۋ ەتىپ بەلگىلەگەن باسىم باعىتتار بويىنشا جۇمىستاردىڭ قالاي ىسكە اسىپ جاتقانىنا توقتالساق.

ءبىرىنشى، تجكب ءبىلىم بەرۋ ءۇردىسىنىڭ مازمۇنىن جاڭارتۋ جولىندا سەگىز ءبىلىم بەرۋ باعدارلاماسى ازىرلەنىپ، ونىڭ 97 ۇلگىلىك وقۋ جوسپارى مەن باعدارلاماسى دايىندالدى. وسى رەتتە حولدينگ ماماندارى دايىنداعان 29 جاڭا ءبىلىم بەرۋ باعدارلاماسى ەلىمىزدەگى 157 كوللەدجگە ەنگىزىلدى.

ايتالىق، وسكەمەن، شىمكەنت جانە اقتاۋ قالالارىندا جاڭا ءبىلىم بەرۋ باعدارلامالارىن ەنگىزۋ بويىنشا كوللەدجدەرگە ءادىسنامالىق جانە كەڭەستىك قولداۋ كورسەتۋ بويىنشا وڭىرلىك سەمينارلار ۇيىمداستىردىق (270 ادام قامتىلدى). سونىمەن قاتار تجكب بەرۋ ۇيىمدارىنىڭ وقۋ-ادىستەمەلىك بىرلەستىكتەرىنىڭ قىزمەتىن جانداندىرۋ بويىنشا دا قىرۋار جۇمىستار اتقارىلدى.



حولدينگتىڭ 45 ءبىلىم بەرۋ باعدارلامالارى بويىنشا تجكب تۇلەكتەرىنە سەرتيفيكاتتاۋ جۇرگىزىپ، بىلىكتىلىكتى كوتەرۋ ءۇشىن تەوريالىق جانە پراكتيكالىق تەست تاپسىرمالارى ازىرلەندى. وسى ماڭىزدى شارالاردىڭ اياسىندا «دۋالدى وقىتۋ: ۇزدىك پراكتيكا، ترەندتەر مەن ستراتەگيا» اتتى حالىقارالىق كونفەرەنسيا وتكىزگەنىمىزدى دە اتاپ ءوتۋدىڭ ءمانى زور دەپ ەسەپتەيمىن.

كاسىپتىك-تەحنيكالىق ءبىلىم بەرۋ جۇيەسىن دامىتۋدا بىزدەر وزگە ەلدەردىڭ وزىق تاجىريبەلەرىن سۇزگىدەن وتكىزىپ، ولاردى قازاقستان جاعدايىندا بەيىمدەۋدە ءبىراق ەڭبەكتەندىك. ناتيجەسىندە شەتەلدىڭ 400 وقۋ ادەبيەتىن اۋدارىپ، وعان كوپشىلىكتىڭ قولجەتىمدىلىگىن ارتتىرۋدىڭ ءساتى ءتۇستى.

ءبىزدىڭ تاعى ءبىر جەتىستىگىمىز رەتىندە ەلىمىزدەگى 5 كوللەدجدە «ەسەپتەۋ تەحنيكاسى جانە باعارلامالىق قامتاماسىز ەتۋ» ماماندىعى بويىنشا قولدانبالى باكالاۆرياتتىڭ ءبىلىم بەرۋ باعدارلاماسى ەنگىزگەنىمىزدى اتاپ ايتۋعا بولادى. سول سياقتى 34 كوللەدجگە 30 قولدانبالى باكالاۆرياتتىڭ ءبىلىم بەرۋ باعدارلامالارىن ازىرلەۋگە ادىستەمەلىك قولداۋ كورسەتىپ جاتىرمىز.

پەداگوگيكالىق ماماندىقتاردىڭ ءبىلىم بەرۋ باعدارلامالارىن جاڭارتۋ بويىنشا ءرواب جۇمىس جۇرگىزىلۋدە. كوللەدجدەردىڭ «مەكتەپكە دەيىنگى تاربيە جانە وقۋ»، «باستاۋىش ءبىلىم» ءواب بىرگە قولدانبالى باكالاۆرياتتىڭ ءبىلىم بەرۋ باعدارلامالارى ازىرلەندى.

ەرەكشە ءبىلىم بەرۋ قاجەتتىلىگى بار تۇلعالار ءۇشىن ارنايى وقۋ باعدارلامالارىن جانە «تىگىنشى» بىلىكتىلىگى بويىنشا (ويلاۋ قابىلەتىندە اقاۋى بار تۇلعالار ءۇشىن) ارنايى وقۋ باعدارلاماسىنىڭ جوباسىن ازىرلەۋ بويىنشا ادىستەمەلىك ۇسىنىمدار دايىندالدى. تجكب جۇيەسىنە 2018-2022 جىلدار ارالىعىندا كوپتىلدى ءبىلىمدى دامىتۋدىڭ جول كارتاسى تجكبد ازىرلەنىپ، ەنگىزىلەدى.

ەكىنشى، تجكب وقىتۋ ساپاسىن ارتتىرۋدا «تجكب جۇيەسىنىڭ پەداگوگيكالىق قىزمەتكەرلەرىنىڭ جانە وعان قاتىستى ادامداردىڭ بىلىكتىلىگىن ارتتىرۋدىڭ دەڭگەيلى مودەلىنىڭ كونسەپسياسى» جوباسى ازىرلەنىپ، ق ر بعم ۇسىنىلدى.

بىلىكتىلىكتى ارتتىرۋدىڭ 6 جاڭا باعدارلامالارى بويىنشا مەملەكەتتىك كوللەدجدەردىڭ 300 باسشىسى مەن 4900 يپق (2 060 وندىرىستىك وقىتۋ شەبەرلەرى، 2 840 ارنايى پاندەر وقىتۋشىلارى) وقىتۋ كۋرسىنان ءوتتى.

وقىتۋ باعدارلاماسىنىڭ مازمۇنىنا تۇزەتۋ ەنگىزۋ ءۇشىن 2016 جىلى كۋرستىق وقىتۋدان وتكەن تجكب بەرۋ ۇيىمدارىنىڭ 780 باسشىسى مەن يپق تاۋەلسىز باعالاۋ جانە قۇراستىرىلعان كاسىبي قۇزىرەتتىلىكتەرگە ساراپتاما جۇرگىزىپ، شتاتتان تىس 285 ترەنەرلەر دايىندالدى.

بۇگىندە تجكب بەرۋ ۇيىمدارىنىڭ ءبىلىم بەرۋ ۇردىسىنە يننوۆاسيالىق ءبىلىم بەرۋ تەحنولوگيالارىن ەنگىزۋدىڭ دە ماڭىزى زور. بۇل ماسەلە بويىنشا 7 وڭىرلىك تاجىريبەلىك-سەمينار ۇيىمداستىرىلدى. ايتالىق، «جوعارى بىلىكتى مامانداردى دايارلاۋداعى وندىرىستىك وقىتۋ شەبەرلەرىنىڭ ورنى مەن ءرولى» اتتى رەسپۋبليكالىق سەمينار-جينالىستا كوپتەگەن ماسەلە كوتەرىپ، ماماندار تجكب قاتىستى كوكەيدە جۇرگەن ويلارىن ورتاعا سالدى. وسىنداي يگىلىكتى جۇمىستاردىڭ ارقاسىندا ەلىمىزدە تجكب جۇيەسىن دامىتۋعا مۇددەلى ماقساتتى توپتارى (تجكب بەرۋ ۇيىمدارىنىڭ باسشىلارى، شتاتتان تىس ترەنەرلەر، ادىسكەرلەر، وقىتۋشىلار، ءوو شەبەرلەرى) قۇرىلىپ، تجكب بەرۋ ۇيىمدارى قىزمەتكەرلەرىنىڭ جەلىلىك قاۋىمداستىعى دامىپ كەلەدى.

ءۇشىنشى، تجكب تيىمدىلىگى مەن مارتەبەسىن ارتتىرۋعا قاتىستى 30 كاسىپتىك ماماندىق بويىنشا World Skills Kazakhstan 2017  جىلدىڭ ۇلتتىق چەمپيوناتى ۇيىمداستىرىلدى. ەلىمىز بويىنشا بايقاۋدا توپ جارعان جاستارىمىز ابۋ-دابي مەن كراسنودار قالاسىندا وتكەن World Skills الەمدىك چەمپيوناتىنا قاتىسىپ، قازاقستاننىڭ نامىسىن قورعادى.

وسى رەتتە World Skills حالىقارالىق ستاندارتتارى بويىنشا 81 قازاقستاندىق ساراپشىنى وقىتۋ جۇرگىزىلگەنىن ايتا كەتۋىمىز كەرەك. سونداي-اق، مەكتەپ وقۋشىلارىنا كاسىپتىك باعدار بەرۋ بويىنشا ادىستەمەلىك ۇسىنىمدار ازىرلەنىپ، بعم بەرىلدى.

حولدينگتىڭ قازاقستاندىق «روست-ورلەۋ» جانە رەسەيدىڭ وندىرىستىك كوللەدجدەر اسسوسياسياسىنىڭ اراسىنداعى قارىم-قاتىناسى شەڭبەرىندە ءبىلىم بەرۋدىڭ دۋالدى مودەلى بويىنشا جۇمىستار جۇرگىزىپ جاتقان جايىمىز بار.

باقىرشىق شالقيا كەن ورىنى ءۇشىن مامانداردى دايارلاۋ بويىنشا ەۋروپالىق قايتا قۇرۋ جانە دامۋ بانكىمەن جۇمىستارىمىز جالعاسۋدا. ال «Knowledge Engineering» جشس-مەن بىرگە «تجكب الەمى» پورتالىن قۇرۋ جۇمىستارى جۇيەل تۇردە ءجۇرىپ جاتىر.

پيلوتتىق جوبا رەتىندە ەلىمىزدىڭ ءتورت وبلىستا (اقتوبە، جامبىل، قاراعاندى، قوستاناي) العاش رەت وڭىرلىك دەڭگەيدە تۋرين ءۇردىسى بويىنشا جۇمىستاردى باستاپ كەتتىك.

سونىمەن قاتار «اگرارلىق كرەديتتىك كورپوراسيا» اق جانە «اگروتەحنولوگيالىق حاب» كف بىرگە اگرارلىق ماماندىقتار بويىنشا وقۋ-ادىستەمەلىك قۇرالداردى جاڭارتۋ جانە اگرارلىق ءونىم كەشەنىندەگى وقىتۋشىلاردىڭ بىلىكتىلىگىن ارتتىرۋ ورتالىعىن قۇرۋ باعىتىندا دا جۇمىستار قىزۋ ءجۇرىپ جاتىر. وسى رەتتە شەتەلدىك كومپانيالارمەن جانە ۇيىمدارمەن 4 مەموراندۋمعا قول قويۋدىڭ ءساتى ءتۇستى.

ءتورتىنشى، ەكونوميكانىڭ سۇرانىسقا يە جانە يننوۆاسيالىق باعىتتارى بويىنشا تجكب اعىمداعى ءبىلىم بەرۋ ۇيىمدارىن دامىتۋدا «APEC Petrotechnic» جوعارى كوللەدج» ج ش س تاجىريبەسىن ەلىمىزدىڭ كوللەدجدەرىنە تاراتۋ باسىم باعىتقا اينالىپ وتىر. 2017 جىلى APEC Petrotechnic Cambridge International Examinations حالىقارالىق اككرەديتاسياسىن جانە OPITO سالالىق حالىقارالىق اككرەديتاسياسىنا يە بولدىق. APEC Petrotechnic اعىلشىن تىلىندە وقىتىلاتىن ارنايى پاندەردى وقىتۋ تاجىريبەسى جيناقتالىپ، ەلىمىزدىڭ كوللەدجدەرىنە تاراتىلدى. وسى رەتتە «APEC Petrotechnic جوعارى كوللەدج تاجىريبەسىن ەلىمىزدىڭ كوللەدجدەرىنە تاراتۋ» عىلىمي-پراكتيكالىق كونفەرەنسياسى جۇرگىزىلدى.

مۇناي-گاز سالاسى ءۇشىن حالىقارالىق ءبىلىم بەرۋ حابارىن APEC Petrotechnic بازاسىندا قۇرۋ بويىنشا ىس-ارەكەت جوسپارلانۋدا. سونىمەن قاتار ەكونوميكا سالالارى جانە World Skills قۇزىرەتتىلىكتەرى بويىنشا وڭىرلەردە قۇزىرەتتىلىكتەر ورتالىعىن قۇرۋ بويىنشا جۇمىستار باستالدى.

دايىندىق باعىتتارى بويىنشا كوللەدجدەر رەيتينگى قۇرىلۋدا. الداعى ۋاقىتتا بازالىق كوللەدجدەردى دامىتۋدا ءادىسنامالىق جانە كەڭەستىك قولداۋ كورسەتەتىن بولامىز.

الداعى ۋاقىتتا  4.0 يندۋستريا بويىنشا بىلىكتى مامانداردى دايارلاۋ بويىنشا تەحنيكالىق جانە كاسىپتىك، ورتا بىلىمنەن كەيىنگى ءبىلىم مازمۇنىن جاڭارتۋ، يپق بىلىكتىلىگىن ارتتىرۋدىڭ جاڭا باعدارلامالارىن ازىرلەۋ؛ «تجكب الەمى» پورتالىن ىسكە قوسۋدى قامتاماسىز ەتۋ؛ World SkillsKazakhstan قوزعالىسىن جۇيەلى دامىتۋ جانە ءتيىمدى ارتتىرۋ جانە ءارتۇرلى جاستاعى جاستاردى تارتۋ بويىنشا جۇمىستاردى جالعاستىرۋ؛

ەلىمىزدىڭ الدىڭعى قاتارداعى كوللەدجدەرىن (قۇزىرەتتىلىكتەر ورتالىعى، بازالىق، سەرىكتەستىك) دامىتۋعا قولداۋ كورسەتۋ؛ حالىقارالىق ءبىلىم بەرۋ حابا رەتىندە جانە تجكب جۇيەسىنىڭ «دامۋ نۇكتەسى» رەتىندە APEC Petrotechnic قىزمەتىنىڭ تيىمدىلىگىن دامىتۋ باعىتىندا جۇمىستاردى جالعاستىراتىن بولامىز.

دۋمان تاناباسوۆ