ق ر مەملەكەتتىك قىزمەت ىستەرى اگەنتتىگىنىڭ شىمكەنت قالاسى بويىنشا دەپارتامەنتىنە شىمكەنت قالاسىنىڭ كاسىپكەرلەرى قالالىق جولاۋشىلار كولىگى جانە اۆتوموبيل جولدارى باسقارماسىنىڭ ءىس اركەتىنە قاتىستى شاعىمدار تۇسىرگەن.

اتالعان شاعىمدار بويىنشا، دەپارتامەنت تاراپىنان باسقارماعا قاتىستى تەكسەرۋ جۇمىستارى جۇرگىزىلىپ، تومەندەگى ءمان-جايلار انىقتالعان.

ياعني، كاسىپكەرلەر جولاۋشىلاردى تاسىمالداۋ سالاسى بويىنشا سۋبسيديا الۋ ءۇشىن قىزمەت كورسەتۋشى باسقارماعا وتىنىشتەرمەن جۇگىنگەن.

الايدا، باسقارما الەۋمەتتىك ماڭىزى بار قاتىناستار بويىنشا اۆتوموبيلدىك جولاۋشىلار تاسىمالىن جۇزەگە اسىرۋ مەملەكەتتىك كورسەتىلەتىن قىزمەت تالاپتارىن ساقتاماي، تولەنەتىن ءتيىستى سۋبسيديانى بەرۋدەن ءۋاجسىز باس تارتقان.

تالاپقا سايكەس، قىزمەتتى بەرۋشى مەملەكەتتىك قىزمەتتەر كورسەتۋدەن باس تارتقان جاعدايدا، قىزمەتتى الۋشىعا قىزمەت كورسەتۋدەن باس تارتۋدىڭ سەبەپتەرىن كورسەتە وتىرىپ جاۋاپ جىبەرۋگە مىندەتتى.

ءوز كەزەگىندە، تەكسەرۋ ناتيجەسىمەن جوعارىدا كورسەتىلگەن كەمشىلىك بويىنشا جاۋاپتى قىزمەتشىنىڭ تارتىپتىك جاۋاپكەرشىلگى قارالىپ، كاسىپكەرلەرگە تولەنەتىن ءتيىستى 800 ملن. تەڭگەگە جۋىق سۋبسيديا تاعايىندالىپ، كاسىپكەرلەردىڭ قۇقىقتارى قالپىنا كەلتىرىلگەن.

وسى رەتتە، قالا تۇرعىندارىنا مەملەكەتتىك قىزمەت كورسەتۋ ساپاسى دەپارتامەنتتىڭ باستى نازارىندا ەكەندىگىن جەتكىزە وتىرىپ، مەملەكەتتىك كورسەتىلەتىن قىزمەتتى الۋ كەزىندە تۋىنداعان ماسەلەلەر بويىنشا دەپارتامەنتكە Telegram قوسىمشاسى ارقىلى (سىلتەمە: https://t.me/onaykyzmet_shymkent) جۇگىنە الاتىنىن مالىمدەيمىز.