كانادانىڭ بريتاندىق كولۋمبييا پروۆينتسيياسىندا ورمان ٶرتتەرٸنٸڭ ٶرشۋٸنە بايلانىستى تٶتەنشە جاعداي جارييالاندى, دەپ حابارلايدى dalanews.kz.
ٶرت سالدارىنان 20 مىڭنان استام ادام ٷيلەرٸن تاستاپ, قاۋٸپسٸز جەرگە ەۆاكۋاتسييالاندى.
ٶرت ەسٸرەسە پروۆينتسييانىڭ وڭتٷستٸگٸندەگٸ سازمەرلەند پەن پيچلەند اۋداندارىنا قاۋٸپ تٶندٸرٸپ وتىر. جىلدام تارالعان Bald Range ٶرتٸنٸڭ اۋماعى 10,3 مىڭ گەكتاردان استى.
بيلٸك سازمەرلەندتەگٸ شامامەن 12 مىڭ تۇرعىندى ەۆاكۋاتسييالاۋ تۋرالى بۇيرىق شىعاردى. پيچلەند ماڭىندا دا مىڭداعان ادام ٷيلەرٸن تاستاپ كەتۋگە مەجبٷر بولدى. سونىمەن قاتار تاعى مىڭداعان تۇرعىنعا ەۆاكۋاتسيياعا دايىن بولۋ تۋرالى ەسكەرتۋ جاسالدى.
كانادانىڭ فەدەرالدىق ٷكٸمەتٸ بريتاندىق كولۋمبييا بيلٸگٸنٸڭ كٶمەك كٶرسەتۋ تۋرالى ٶتٸنٸشٸن ماقۇلدادى. ەۆاكۋاتسييالانعان تۇرعىنداردى ورنالاستىرۋ جەنە ولارعا قاجەتتٸ جاعداي جاساۋ ٷشٸن فەدەرالدىق قولداۋ كٶرسەتٸلمەك.
ٶڭٸردە اپتاپ ىستىق پەن قۇرعاق اۋا رايى ٶرت سٶندٸرۋ جۇمىستارىن قيىنداتىپ وتىر. قالىڭ تٷتٸن مەن اۋاداعى تۋربۋلەنتتٸلٸك ەۋەدەن جٷرگٸزٸلەتٸن جۇمىستارعا دا كەدەرگٸ كەلتٸرۋدە. ٶرتپەن كٷرەسكە كانادادان بٶلەك اۋسترالييا, جاڭا زەلاندييا جەنە مەكسيكا ماماندارى دا تارتىلعان.
