Kanadanyń Britandyq Kolýmbiia provintsiiasynda orman órtteriniń órshýine bailanysty tótenshe jaǵdai jariialandy, dep habarlaidy dalanews.kz.
Órt saldarynan 20 myńnan astam adam úilerin tastap, qaýipsiz jerge evakýatsiialandy.
Órt ásirese provintsiianyń ońtústigindegi Sazmerlend pen Pichlend aýdandaryna qaýip tóndirip otyr. Jyldam taralǵan Bald Range órtiniń aýmaǵy 10,3 myń gektardan asty.
Bilik Sazmerlendtegi shamamen 12 myń turǵyndy evakýatsiialaý týraly buiryq shyǵardy. Pichlend mańynda da myńdaǵan adam úilerin tastap ketýge májbúr boldy. Sonymen qatar taǵy myńdaǵan turǵynǵa evakýatsiiaǵa daiyn bolý týraly eskertý jasaldy.
Kanadanyń federaldyq úkimeti Britandyq Kolýmbiia biliginiń kómek kórsetý týraly ótinishin maquldady. Evakýatsiialanǵan turǵyndardy ornalastyrý jáne olarǵa qajetti jaǵdai jasaý úshin federaldyq qoldaý kórsetilmek.
Óńirde aptap ystyq pen qurǵaq aýa raiy órt sóndirý jumystaryn qiyndatyp otyr. Qalyń tútin men aýadaǵy týrbýlenttilik áýeden júrgiziletin jumystarǵa da kedergi keltirýde. Órtpen kúreske Kanadadan bólek Aýstraliia, Jańa Zelandiia jáne Meksika mamandary da tartylǵan.
