ساياساتكەر, مەملەكەت قايراتكەرٸ امالبەك تشانوۆ جاقىندا مەجٸلٸس تٶراعاسىن ماقتايمىن دەپ سٶز ەستٸپ قالعان دەپۋتات جيگۋلي دايراباەۆتىڭ ەرەكەتٸنە قاتىستى پٸكٸر بٸلدٸردٸ, دەپ حابارلايدى Dalanews.kz.
"ولاي دەپۋتات بولىپ وتىرعانشا جەرگە كٸرٸپ كەتۋ كەرەك قوي. دەپۋتاتتىڭ جۇمىسى بٸرٸن-بٸرٸ ماقتاۋ ما? قازٸر مەجٸلٸس تٶراعاسى بولىپ وتىرعان جٸگٸتتٸ دە جاقسى بٸلەمٸز. بٸز دەپۋتات بولىپ جٷرگەندە ٷكٸمەتتٸڭ ٶكٸلٸ بولىپ جٷرەتٸن ازامات ەدٸ. اسپاننان سالبىراپ... دەگەندەي ەشقانداي ارتىقشىلىعى جوق. ول دا سٸز بەن بٸز سيياقتى ادام. قىزمەتتە وتىر ەكەن دەپ كٸرەتٸن جەرٸن ٸزدەپ جٷرۋ ەشقانداي ەتيكەتكە جاتپايدى", - دەيدٸ امالبەك تشانوۆ Sadaq media Youtube ارناسىنا بەرگەن سۇحباتىندا.
تشان سونىمەن قاتار ەكس-پرەزيدەنت نۇرسۇلتان نازارباەۆتىڭ دەۋٸرٸندەگٸ وعاشتاۋ, ەرسٸزدەۋ ماقتاۋلاردى دا ەسكە الدى.
"نازارباەۆ وتىرعان كەزدە نە ايتىلمادى?! "بٸزگە كٷننٸڭ كەرەگٸ جوق..." دەدٸ عوي. بەرٸن قابىلدادى. مىرزاتاي كٶكەمٸز دە (مىرزاتاي جولداسبەكوۆ, رەد.) "500 جىلدا تٷك ٸستەمەگەن ەلمٸز, سٸز كەلگەن سوڭ بەرٸمٸز اسپانعا ۇشىپ جاتىرمىز" دەدٸ. ونى ايتپاسا دا ٸستەگەن ٸسٸڭ ەلگە, حالىققا قالادى عوي. ونى ەلدٸڭ ٶزٸ-اق ايتادى ەرتەڭ. كٶزٸنشە بادىرايتىپ ماقتاۋ قازاقتىڭ تٷبٸنە جەتەتٸن نەرسە. 4-5 جىل مەرزٸم بەرٸلدٸ مە, ودان ارتىق ەشكٸمدٸ ۇستاۋعا بولمايدى. كەزەكتەسسٸن, جاڭارىپ وتىرسىن", - دەيدٸ ساياساتكەر.
ەسكە سالايىق, 17 قاڭتاردا مەجٸلٸس دەپۋتاتى جيگۋلي دايراباەۆ مەجٸلٸس تٶراعاسى ەرلان قوشانوۆتى ورىنسىز كٶپ ماقتايمىن دەپ سٶز ەستٸپ قالعان بولاتىن.
"پرەزيدەنتتٸڭ دەپۋتاتتاردىڭ جۇمىسىنا جوعارى باعا بەرگەنٸ – قۇرمەتتٸ ەرلان جاقانۇلى, سٸزدٸڭ مٷلتٸكسٸز بەدەلٸڭٸزدٸڭ ارقاسى ەكەنٸ سٶزسٸز. سول ٷشٸن سٸزگە العىسىمىزدى بٸلدٸرەمٸز. پرەزيدەنتٸمٸزدٸڭ سۇحباتىندا بەرگەن اقپارات, ەلٸمٸزدٸڭ كەلەشەكتەگٸ دامۋىنا قاتىستى باعىت-باعدارلار, ٶڭٸرلەردە حالىقپەن سىندارلى كەزدەسۋگە ٷلكەن مٷمكٸندٸك تۋعىزدى. ٶزدەرٸڭٸز بٸلەتٸندەي, مەن اقتى اق قارانى قارا دەپ ايتاتىن ازاماتپىن. قانداي-دا بٸر جاعىمپازدانۋ ماقساتىندا ماقتاۋ ايتۋ — مەنٸڭ تابيعاتىما جات نەرسە. حالقىمىز جاقسىنىڭ جاقسىلىعىن ايت, نۇرى تاسىسىن دەگەن…", — دەگەن دەپۋتاتتىڭ سٶزٸن مەجٸلٸس تٶراعاسى ەرلان قوشانوۆ بٶلگەن.
"ساۋالىڭىزدى جولداساڭىزشى, بەت الباتى ماقتاماي", — دەگەن بولاتىن مەجٸلٸس تٶراعاسى.
