مال شارۋاشىلىعىمەن اينالىساتىن اتىعاي بەكقۇلوۆ قويلارىن جىلىنا ەكى رەت قىرقاتىنىن ايتادى. ويتكەنى، تازالىق مالدىڭ وسۋىنە دۇرىس. الايدا ونىڭ ەكىنشى قيىندىق تۋدىراتىن جاعى بار. تاۋ بولىپ ۇيىلگەن قوي ءجۇنىن ورتەۋدەن باسقا امال جوق ەكەن. سۇرانىستىڭ ازايۋۋىنان جەكەلەگەن شوپاندار شىعىننان قاشىپ، قويدى قىرقۋدى دا ازايتقان. ال بۇل جاعداي مالدىڭ ءتۇرلى اۋرۋعا شالدىعۋىنا اكەلەتىنى بەلگىلى.
– قويدىڭ ءجۇنىن قىرقامىز. قىرقامىز دا، ونى ءۇيىلىپ تۇرعان جەرىنەن تاماق ىستەگەندە وتىنمەن اراسىنا قوسىپ جاعىپ جىبەرەمىن. ەش جەردە بۇل ءجۇن قابىلداپ جاتقان ادامدى كورمەدىم، – دەيدى شارۋا اتىعاي بەكقۇلوۆ.
ءوز كەزەگىندە تاعى ءبىر شارۋا قوجالىعىنىڭ يەسى زىليحا وسپانوۆا: «باسشىلاردان سۇرايتىنىمىز مىنا سويىلعان تەرى، ودان كەيىن قىرقىلعان ءجۇن جەردە قالىپ جاتىر. سونى الاتىن، وتكىزەتىن جەر بولسا» دەپ نازىن ايتتى.
سۇرانىستىڭ جوقتىعىنان شارۋالار ونى ورتەۋگە ءماجبۇر ەكەندىگىن اۋىلشارۋاشىلىعىنداعىلار دا بىلەتىن بولىپ شىقتى. وبلىستاعى 3 ميلليون 895 مىڭ قويدىڭ 30 مىڭى عانا بيازى ءجۇندى قوي. سۇرانىس وسىعان عانا بار. ال وندىرىلگەن 7 361،8 توننا ءجۇن دالاعا تاستالادى ەكەن. ءوز كەزەگىندە
وقو اۋىلشارۋاشىلىق باسقارماسىنىڭ مال تۇقىمىن اسىلداندىرۋ ءبولىمىنىڭ باس مامانى ورازتاي ۇسىپبايەۆ:
– تەك قانا بيازى ءجۇندى قويلارعا عانا ۇكىمەت تاراپىنان سۋبسيديا تولەنەدى. 95 توننا ءجۇن الىنىپ، 130 تەڭگەدەن 12 ملن 350 مىڭ تەڭگە شارۋالارعا تولەنگەن بولاتىن، – دەپ جاۋاپ قاتتى.
مالدىڭ تەرىسىنە كەلەر بولساق قوي ءجۇنىنىڭ ساپاسىنا قاراي ەلتىرىلىك، توندىق جانە بىلعارىلىق تۇرلەرى وندىرىلگەنى بەلگىلى. توندى ايتپاعاننىڭ وزىندە بيازى ءجۇندى تەرىدەن ەلتىرى شاپان، باس كيىم، جاعا تىگىلگەن. ولاردى ءتىپتى اڭ تەرىلەرىنە سايكەستەندىرىپ بوياپ، ىشىك تاعى باسقا باعالى ەلتىرى بۇيىمدار جاساعان.
قازىرگى بازار سورەلەرىندە بيازى ءجۇندى قويدان تىگىلگەن كيىمدەر بار، ءبىراق تەك قىتايدا شىعارىلعانىن عانا كەزىكتىرەسىز.
– توننىڭ باعاسى 165 مىڭ تەڭگەگە دەيىن جەتەدى. تومەندەۋ بەرۋگە دە بولادى. قىتايدا شىعارىلعان. رەسەيدىڭ ونىمدەرى ءقازىر جوق. قازاقستاندا شىعارىلعانى ءتىپتى كەزدەسپەيدى.
وڭىردە بيازى ءجۇندى ەكى عانا زاۋىت قابىلدايدى. ونىڭ ءوزىن دە قاجەتتىلىككە قاراي الادى ەكەن. بۇرىندارى كەلىسى ءۇش ءجۇز تەڭگەگە دە جەتپەگەن ءجۇن باعاسى بيىل عانا التى جۇزگە ازەر كوتەرىلىپتى. وڭىردە وتە كوپ سانالاتىن قويدىڭ قازاقى تۇرىنە دەگەن سۇرانىس ازىرگە بولماي تۇر.
ەرلان قۋاندىقوۆ، ەرجان سەيدازىموۆ
