جۋالى اۋدانىندا «تازا قازاقستان» ەكولوگيالىق اكسياسى باستاۋ الدى

جاربول كەنت ۇلى 10 ءساۋ. 2024 12:39 1883

الاتاۋ مەن قارتاۋدىڭ ورتاسىندا ورنالاسقان جۋالىداي جازيرالى ولكەنىڭ تابيعات سۇلۋلىعىن تاماشالاپ بىتپەستەي، ءسىرا. قازاقىلىقتىڭ قايماعى بۇزىلماعان، تاتۋ تىرلىك پەن بەرەكە-بىرلىكتىڭ بەسىگى – جۋالى وڭىرىندە رەسپۋبليكالىق «تازا قازاقستان» اكسياسى اياسىندا ەكولوگيالىق ناۋقانى باستاۋ العان بولاتىن.

مەملەكەت باسشىسى قاسىم-جومارت كەمەل ۇلى «قالالار مەن اۋىلداردىڭ ساۋلەتتى، ساياباقتار مەن اۋلانىڭ تازا بولۋى، ەڭ الدىمەن، باسقا بىرەۋگە ەمەس، وزىمىزگە كەرەك. ازاماتتارىمىز قوعامدىق ورىندار مەن قورشاعان ورتاعا جاناشىر كوزبەن قاراۋعا ءتيىس»، – دەگەن.

8 ءساۋىر كۇنى رەسپۋبليكا بويىنشا «تازا قازاقستان» ەكولوگيالىق اكسياسى باستالدى. ناۋقان بەس اپتاعا سوزىلادى. ءار اپتانىڭ وزىندىك تاقىرىبى مەن ناقتى ماقساتى بولماق.

ناۋقاننىڭ العاشقى كۇنىنەن 13 ساۋىرگە دەيىن سوزىلاتىن ءبىرىنشى اپتا «تازا ولكە» دەپ اتالادى. باستاپقى جەتى كۇن ىشىندە ەلدىمەكەندەردىڭ تۇرعىندارى، قوعام بەلسەندىلەرى، ۇيىمدار مەن كاسىپورىنداردىڭ قىزمەتكەرلەرى ىرگەلەس اۋماقتار مەن بەلگىلەنگەن اۋلالاردى تازالايدى.

تازالىق پەن ءتارتىپ – كەز-كەلگەن ايماقتىڭ تابىستى دامۋىنىڭ كەپىلى عانا ەمەس، تۇرعىنداردىڭ مادەنيەتتىلىگىنىڭ ولشەمى.

«تازا قازاقستان» ەكولوگيالىق اكسياسى اياسىندا جۋالى اۋدانىندادا اۋقىمدى جۇمىستار اتقارىلۋدا. اۋدان اكىمى جالعاس مۇرتازانىڭ ۇندەۋىنەن باستاۋ العان شارا رەسپۋبليكالىق ماڭىزعا يە «باتىس ەۋروپا – باتىس جۇڭگو» اۆتوموبيل جولىنىڭ بويىنداعى 557-560 شاقىرىم ارالىعىن دا جالعاستى.

تازالىق جۇمىستارىنا «جاسىل ەل» ەڭبەك جاساقتارى مەن جاستار، نۇرلىكەنت، قىزىلارىق، اقتوبە، كوكباستاۋ اكىلدىق وكرۋگىنىڭ ماماندارى مەن تۇرعىندارى جانە جۋالى اۋدانى ورمانداردى جانە جانۋارلاردى دۇنيەسىن قورعاۋ جونىنىندەگى بولىمدەرى اتسالىستى. جالپى 100 دەن اسا ادام جۇمىلدىرىلدى.

رەسپۋبليكالىق ماڭىزعا يە اۆتوموبيل جولىنىڭ شىمكەنت باعىتىنداعى وڭ جاق جول بويىنداعى قىستاعى قۇلاعان اعاشتاردى شىعارىلىپ، سانيتارلىق جۇمىستارى جۇرگىزىلدى. تازالىق جۇمىستارىنا قوسىمشا 3 تەحنيكا قامتىلدى.

اتقارىلعان تازالىق جۇمىستارىنا جامبىل وبلىسى اكىمىنىڭ ورىنباسارى قاناتبەك مادىبەك پەن اۋدان باسشىسى جالعاس مۇرتازا قاتىستى.

الداعى تاڭدادا وسىنداي جۇمىستار جالعاسىن تاباتىن بولادى.

 


ۇسىنىلعان
سوڭعى جاڭالىقتار