Alataý men Qartaýdyń ortasynda ornalasqan Jýalydai jaziraly ólkeniń tabiǵat sulýlyǵyn tamashalap bitpestei, sirá. Qazaqylyqtyń qaimaǵy buzylmaǵan, tatý tirlik pen bereke-birliktiń besigi – Jýaly óńirinde respýblikalyq «Taza Qazaqstan» aktsiiasy aiasynda ekologiialyq naýqany bastaý alǵan bolatyn.
Memleket basshysy Qasym-Jomart Kemeluly «Qalalar men aýyldardyń sáýletti, saiabaqtar men aýlanyń taza bolýy, eń aldymen, basqa bireýge emes, ózimizge kerek. Azamattarymyz qoǵamdyq oryndar men qorshaǵan ortaǵa janashyr kózben qaraýǵa tiis», – degen.
8 sáýir kúni respýblika boiynsha «Taza Qazaqstan» ekologiialyq aktsiiasy bastaldy. Naýqan bes aptaǵa sozylady. Ár aptanyń ózindik taqyryby men naqty maqsaty bolmaq.
Naýqannyń alǵashqy kúninen 13 sáýirge deiin sozylatyn birinshi apta «Taza ólke» dep atalady. Bastapqy jeti kún ishinde eldimekenderdiń turǵyndary, qoǵam belsendileri, uiymdar men kásiporyndardyń qyzmetkerleri irgeles aýmaqtar men belgilengen aýlalardy tazalaidy.
Tazalyq pen tártip – kez-kelgen aimaqtyń tabysty damýynyń kepili ǵana emes, turǵyndardyń mádeniettiliginiń ólshemi.
«Taza Qazaqstan» ekologiialyq aktsiiasy aiasynda Jýaly aýdanyndada aýqymdy jumystar atqarylýda. Aýdan ákimi Jalǵas Murtazanyń Úndeýinen bastaý alǵan shara respýblikalyq mańyzǵa ie «Batys Eýropa – Batys Qytai» avtomobil jolynyń boiyndaǵy 557-560 shaqyrym aralyǵyn da jalǵasty.
Tazalyq jumystaryna «Jasyl el» eńbek jasaqtary men jastar, Nurlykent, Qyzylaryq, Aqtóbe, Kókbastaý akyldyq okrýginiń mamandary men turǵyndary jáne Jýaly aýdany ormandardy jáne janýarlardy dúniesin qorǵaý jóninindegi bólimderi atsalysty. Jalpy 100 den asa adam jumyldyryldy.
Respýblikalyq mańyzǵa ie avtomobil jolynyń Shymkent baǵytyndaǵy oń jaq jol boiyndaǵy qystaǵy qulaǵan aǵashtardy shyǵarylyp, sanitarlyq jumystary júrgizildi. Tazalyq jumystaryna qosymsha 3 tehnika qamtyldy.
Atqarylǵan tazalyq jumystaryna Jambyl oblysy ákiminiń orynbasary Qanatbek Mádibek pen aýdan basshysy Jalǵas Murtaza qatysty.
Aldaǵy tańdada osyndai jumystar jalǵasyn tabatyn bolady.
