قازاقستاندا ساياسات ساحناسىنداعى جاڭا جىلدى ەلباسى جولداۋىمەن باستاۋ ءداستۇرى قالىپتاسقان. بيىل دا بولاشاققا باعدار تاستار ماڭىزدى مەملەكەتتىك قۇجاتتى بۇقارا جوعارى ىقىلاسپەن قابىل الدى. مىندەت پەن مەجە ايقىن، جۇزەگە اسىرار ىنتا مەن ىنتىماق كەرەك. جولداۋدىڭ ءار باعىتى بويىنشا شىعىس وڭىرىندە دە جۇمىستار جۇيەلەنىپ، جاۋاپتىلارعا جۇكتەلدى. ايتا كەتۋ كەرەك، كەي باعىتتا ءوڭىر وزگەلەردەن كوش ىلگەرى. ماسەلەن، ءبىرىنشى «قازاقستان يندۋسترياسى جاڭا تەحنولوگيالاردى ەنگىزۋدىڭ كوشباسشىسىنا اينالۋى ءتيىس» باعىتى بويىنشا وبلىستا بىرەگەي باستامالار وتكەن جىلى قولعا الىنعان. ايماق باسشىسى دانيال احمەتوۆتىڭ تاپسىرماسىمەن ەل ىشىندە بالاماسى جوق تانتال مەن نيوبييدەن ينپلانتاتتاردىڭ جوعارى تەحنولوگيالىق ءوندىرىسى باستالدى. اتالمىش ءونىم الداعى تاڭدا قازاقستانعا تەك وتاندىق ەمەس، سونىمەن قاتار رەسەيلىك نارىقتى دا يگەرۋگە مۇمكىندىك بەرەدى.
ءتورتىنشى باعىت – «كولىك-لوگيستيكا ينفراقۇرىلىمىنىڭ تيىمدىلىگىن ارتتىرۋ» بويىنشا وبلىستا رەسپۋبليكالىق عانا ەمەس، سونىمەن قاتار حالىقارالىق ماڭىزداعى جولدار سالىنىپ، جاڭارتىلۋدا. تەمىر جولدار دا جاڭا باعدارلارعا باستاۋدا. ءۇندى، جاپونيا جانە باسقا ەلدەردىڭ ينۆەستورلارىمەن ايتارلىقتاي جۇمىس جۇرگىزىلۋدە. جوعارى جىلدامدىقپەن سەمەيدەگى اۋەجايدىڭ ۇشۋ-قونۋ جولاعى قالپىنا كەلتىرىلۋدە. وسكەمەننىڭ دە اۋەجايىندا جاڭعىرتۋ جۇمىستارى جۇرگىزىلدى.
اكتيۆ بارىسىندا وبلىس اكىمى دانيال احمەتوۆ ەلباسى جولداۋىنىڭ ماڭىزدىلىعى توقتالا وتىرىپ، جاۋاپتى ورگاندارعا ءبىرقاتار تاپسىرمالار بەردى.
– ەل پرەزيدەنتى نۇرسۇلتان ءابىش ۇلى نازارباۆەتىڭ جىل سايىنعى جولداۋىندا قويىلعان مىندەتتەر ەل جاڭعىرۋىنا جاڭا سەرپىن بەرەدى. ونى ىسكە اسىرۋ جولىندا ءارقايسىسى ءوز سالاسىندا بەلسەنە اتسالىسۋى كەرەك. بارلىق جۇمىستار جۇيەلى، ناقتى جوسپارلانعان، ءتيىمدى بولۋى قاجەت، – دەدى ايماق باسشىسى دانيال احمەتوۆ.
اكتيۆتىڭ جۇمىسىنا بارلىق دەڭگەيدەگى اكىمدەر، باسقارما، دەپارتامەنت باسشىلارى، قۇقىق قورعاۋ ورگاندارى، كاسىپورىندار، كاسىپكەرلەر، ازاماتتىق قوعام ينستيتۋتتارىنىڭ وكىلدەرى قاتىستى. بايلانىس جانە اقپاراتتىق تەحنولوگيالار، دەنساۋلىق ساقتاۋ، ءبىلىم بەرۋ، اۋىل شارۋاشىلىعى سالالارىنىڭ، سونداي-اق جاستار رەسۋرستىق ورتالىعىنىڭ وكىلدەرى ەلباسىنىڭ جولداۋى اياسىندا وڭىردە جۇزەگە اسىرىلىپ جاتقان جۇمىس جوسپارلارىمەن ءبولىستى.
القالى باسقوسۋعا كەلگەندەر جولداۋ نەگىزىندە ەكونوميكانى ارتتىرۋعا، الەۋمەتتىك سالانى دامىتۋعا، سونىمەن قاتار ينۆەستيسيا كولەمىن ۇلعايتۋعا، جاڭا جۇمىس ورىندارىن قۇرۋ، كاسىپتىك-تەحنيكالىق ءبىلىم بەرۋ باعىتىنداعى ءىس-شارالار لەگىمەن تانىستى.
شقو اكىمىنىڭ باسپا ءسوز قىزمەتى
