ەندى قارىزى بار سالىق تولەۋشىلەردىڭ بارلىق ەسەپشوتى بۇعاتتالمايتىن بولادى. بەرەشەككە بەلگىلى ءبىر شەك قويىلادى. بۇل تۋرالى مەملەكەت باسشىسى بۇگىنگى جولداۋىندا ايتتى.
«جەكە تابىس سالىعىنىڭ مولشەرلەمەسىن ازاماتتاردىڭ كىرىسىنە قاراي ديففەرەنسياسيالاۋ قاجەتى تۋىنداپ وتىر. سالىقتىق اكىمشىلەندىرۋ ىسىندە جازالاۋ تاسىلىنەن دە باس تارتقان ابزال. ماجبۇرلەپ ارەكەت ەتپەي-اق، وندىرىلەتىن سالىق بەرەشەگىنىڭ جوعارعى شەگىن حابارلاما جىبەرۋ ارقىلى كوتەرۋگە بولادى دەپ ويلايمىن»، - دەدى قاسىم-جومارت توقايەۆ.
مەملەكەت باسشىسىنىڭ سوزىنە قاراعاندا، سالىق بەرەشەگى شەكتەن اسىپ كەتسە، قارىز سوماسى اياسىندا عانا شەكتەۋ قويىلۋعا ءتيىس.
«ياعني، بورىشكەردىڭ بانكتەگى ەسەپشوتى تولىق بۇعاتتالمايدى. بەرەشەك سوماسى تىم كوپ بولعان جاعدايدا، كەپىلگە مۇلىك قويعانىن تالاپ ەتپەي، قارىزدى ءبولىپ تولەۋگە مۇمكىندىك بەرگەن ءجون. جوسپارعا ساي تەكسەرۋ تاسىلىنەن ءبىرجولا باس تارتۋعا تىرىسۋ كەرەك. ول ءۇشىن قاتەرلەردىڭ الدىن الۋ جۇيەسىن جەتىلدىرۋ قاجەت»، - دەدى پرەزيدەنت.
