Endi qaryzy bar salyq tóleýshilerdiń barlyq esepshoty buǵattalmaıtyn bolady. Bereshekke belgili bir shek qoıylady. Bul týraly Memleket basshysy búgingi joldaýynda aıtty.
«Jeke tabys salyǵynyń mólsherlemesin azamattardyń kirisine qaraı dıferensıasıalaý qajeti týyndap otyr. Salyqtyq ákimshilendirý isinde jazalaý tásilinen de bas tartqan abzal. Májbúrlep áreket etpeı-aq, óndiriletin salyq beresheginiń joǵarǵy shegin habarlama jiberý arqyly kóterýge bolady dep oılaımyn», - dedi Qasym-Jomart Toqaev.
Memleket basshysynyń sózine qaraǵanda, salyq bereshegi shekten asyp ketse, qaryz somasy aıasynda ǵana shekteý qoıylýǵa tıis.
«Iaǵnı, boryshkerdiń banktegi esepshoty tolyq buǵattalmaıdy. Bereshek somasy tym kóp bolǵan jaǵdaıda, kepilge múlik qoıǵanyn talap etpeı, qaryzdy bólip tóleýge múmkindik bergen jón. Josparǵa saı tekserý tásilinen birjola bas tartýǵa tyrysý kerek. Ol úshin qaterlerdiń aldyn alý júıesin jetildirý qajet», - dedi Prezıdent.
