تۇركىستان وبلىسىنىڭ اكىمى دارحان ساتىبالدى سالاعا جاۋاپتى باسشىلارمەن بىرگە وبلىس ورتالىعى – تۇركىستان قالاسىندا اتقارىلىپ جاتقان جول جوندەۋ جۇمىستارىن باقىلادى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

– ءبىرىنشى كەزەكتە، قالالىق ماڭىزى بار جولداردى رەتتەۋىمىز كەرەك. ەسكى قالا اۋماعىنداعى ىشكى جولداردى دا نازارعا العان ءجون. تۇرعىنداردان جول ساپاسى بويىنشا نارازىلىعىن كوپ ەستيمىن. جول قۇرىلىسىن قولعا العان مەردىگەرلەر مەن ساپاسىن قاداعالاۋشى مەكەمەلەر ءتيىستى دەڭگەيدە جۇمىستارىن اتقارسىن، – دەگەن ايماق باسشىسى جاۋاپتى تۇلعالارعا ناقتى تاپسىرمالار جۇكتەدى.

قالا اكىمى تاراپىنان ج.مايكوتوۆ جانە تاۋكە حان كوشەسى ارالىعىنا جول سالۋ بويىنشا ۇسىنىس ايتىلىپ، جوباسى تانىستىرىلدى. بۇل جولدىڭ ۇزىندىعى 1،47 شاقىرىمدى قۇرايدى. جوبانى بيىل ىسكە اسىرۋ جوسپارلانۋدا. 2020 جىلى جاسالعان جوبانىڭ جوبالىق سمەتالىق قۇنى 832،06 ملن تەڭگە بولعان. تۇزەتۋدەن كەيىنگى قۇنى قىمباتتاعان. جوبا قايتا مەملەكەتتىك ساراپتامادان وتكىزىلۋگە ۇسىنىلدى.

تۇركىستان قالاسىنداعى “ياساۋي” تۇرعىن ءۇي كەشەنىنىڭ قۇرىلىسى دا اياقتالۋعا جاقىن. جاڭا تۇرعىن ۇيدەن 88 وتباسى باسپانالى بولادى. وبلىس اكىمى باسپانا ساپاسىنا باسا نازار اۋدارۋدى، قۇرىلىستى كەستەگە سايكەس اياقتاۋدى تاپسىردى.